Miyawaki Technology : रत्नागिरी जिल्ह्यात करणार जपानी ‘मियावाकी’ तंत्राचा वापर

वाढते प्रदूषण कमी करण्यासाठी आणि पर्यावरणाची होणारी हानी टाळण्यासाठी प्रभावी ठरलेल्या जपानी मियावाकी तंत्राचा वापर रत्नागिरी जिल्ह्यात करण्यात येणार आहे.
Miyawaki Technology
Miyawaki Technology Agrowon

रत्नागिरी ः वाढते प्रदूषण कमी करण्यासाठी आणि पर्यावरणाची (Environment) होणारी हानी टाळण्यासाठी प्रभावी ठरलेल्या जपानी मियावाकी तंत्राचा (Miyawaki Technology) वापर रत्नागिरी जिल्ह्यात करण्यात येणार आहे. नाणिज-खानू देवराईजवळील सुमारे १० गुंठे जागेवर स्थानिक प्रजातींची झाडे लावण्यात येणार आहेत. १६ लाखाचा हा प्रस्ताव असून सामाजिक वनीकरण विभागाने तो मंजुरीसाठी प्रशासनाला सादर केला आहे. कमी जागेत उभारणार घनदाट जंगल उभारण्याची ही पद्धत आहे.

Miyawaki Technology
Cotton Market : कापूस बाजाराची स्थिती काय ?

राज्यात मुंबईसह जालना, औरंगाबाद, पुणे, जळगाव, नांदेड जिल्ह्यांमध्ये प्रायोगिक तत्त्वावर जपानी मियावाकी तंत्रज्ञानाचा वापर करून घनदाट वृक्ष लागवड करण्यात आली आहे. गेल्या काही वर्षांपासून सागरी भागात असलेली खारफुटीची जंगले नष्ट होऊ लागली असून, तेथे सिमेंट काँक्रिटचे बांधकाम होऊ लागले आहे. काही ठिकाणच्या भागात असलेला हरितपट्टाही अतिक्रमणामुळे नष्ट होऊ लागला आहे. यावर मात करण्यासाठी आता प्रशासनाने जपानी पद्धतीचे ‘मियावाकी’ तंत्रज्ञान वापरून वृक्ष लागवड करण्याचा निर्णय घेतला आहे. या मियावाकी पद्धतीमध्ये अगदी कमी जागेत अधिक झाडांची लागवड केली जाते. राष्ट्रीय स्वच्छ हवा कार्यक्रमाअंतर्गत ही वृक्ष लागवड करण्यात येणार आहे. सामाजिक वनीकरण विभागाने जिल्ह्यातील जपानी मियावाका तंत्रज्ञानाचा पहिला प्रस्ताव तयार केला आहे.

Miyawaki Technology
Soybean Rate : सोयाबीन बाजाराला पामतेलाचा आधार

खानू येथील वनराईच्या जवळपास ही जागा आहे. यामध्ये विविध प्रजातीच्या झाडांचा समावेश आहे. सर्वच झाडांची चांगली वाढ होऊन घनदाट जंगल तयार होते.

नाणीज-खानू येथे दहा गुंठे जागेवर ‘मियावाकी’ पद्धतीचा घनदाट जंगलाचा प्रस्ताव जिल्हा प्रशासनाला दिला आहे; मात्र अजून त्यावर कोणताही निर्णय झालेला नाही. १६ लाखांचा हा प्रस्ताव असून प्रदूषण नियंत्रणाच्या दृष्टीने फायदेशीर ठरणार आहे. स्थानिक विविध प्रजातीची झाडे यामध्ये लावण्यात येणार आहेत.

- प्रियंका लगड,

सामाजिक वनीकरण अधिकारी

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com