Sugar Factory : येडेश्वरी शुगरला थकीत ऊसबिले देण्याचे सहसंचालकांचे आदेश

जनहितचे बेमुदत धरणे तूर्त मागे
Sugar Factory
Sugar FactoryAgrowon

सोलापूर ः खामगाव (ता.बार्शी) येथील येडेश्वरी शुगरने (Yedeshwari Sugar) शेतकऱ्यांची २०१४-१५ च्या गाळप हंगामातील थकीत उसाची बिले (Sugarcane Bill) जिल्हाधिकारी मिलिंद शंभरकर यांनी दिलेल्या आदेशाप्रमाणे तत्काळ द्यावीत, असे आदेश प्रादेशिक सहसंचालक राजेंद्र दराडे (Rajendra Darade) यांनी दिले आहेत. त्यामुळे या मागणीसाठी सुरू असलेले जनहित शेतकरी संघटनेचे अध्यक्ष प्रभाकर देशमुख यांनी सुरू केलेले बेमुदत धरणे आंदोलन तूर्त मागे घेतले आहे.

Sugar Factory
Sugarcane : शेतकऱ्यांची देणी त्वरित द्या, आर्यन शुगरला आदेश

खामगाव येथील कुमुदा-आर्यन शुगर्सकडे २०१४-१५ च्या गाळप हंगामातील उसाची बिले थकीत आहेत. पण अलीकडेच या कारखान्याच्या लिलावात हा कारखाना येडेश्वरी शुगरने खरेदी केला आहे. या खरेदीवेळी येडेश्वरी शुगरचे चेअरमन बजरंग सोनवणे यांनी कारखान्याची मागची थकीत बिले शेतकऱ्यांना देण्याचे आश्वासन दिले होते. पण या आश्वासनाला आता दोन महिने उलटले, तरी ही बिले अद्याप मिळालेली नाहीत.

Sugar Factory
Soybean : दीड लाखांची भरपाई देण्याचे ग्राहक मंचाचे आदेश

त्यामुळे जनहितचे देशमुख यांनी कारखान्याच्या समोर थेट बेमुदत आंदोलनाला सुरुवात केली होती. गेल्या काही दिवसांपासून त्यांचे हे आंदोलन सुरू आहे. पण कोणतीच दखल घेतली नसल्याने त्यांनी आता मुख्यमंत्री एकनाथ शिंदे यांच्या मुंबईतील वर्षा निवासस्थानासमोर बोंबाबोंब आंदोलन करण्याचा इशारा दिला होता. त्यानंतर प्रादेशिक सहसंचालकांनी तातडीने त्याची दखल घेऊन हे आदेश दिले आहेत. या आदेशामुळे श्री. देशमुख यांनीही तूर्त हे आंदोलन मागे घेण्याचा निर्णय घेतला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com