Banana Farmer Award अकोला ः केळीचे अधिकाधिक व दर्जेदार उत्पादन (Banana Production) घेणाऱ्या शेतकऱ्यांचा महाराष्ट्र राज्य केळी उत्पादक संघ केळीरत्न (Keli Ratna Award) कार्यगौरव पुरस्कार देऊन सन्मान करण्यात येणार आहे. यासाठी नामांकन सादर करण्याचे आवाहन अध्यक्ष किरण चव्हाण यांनी केल्याची माहिती केळी संघाचे राज्य समन्वयक सचिन कोरडे यांनी दिली.
केळीरत्न पुरस्काराच्या अनुषंगाने चव्हाण व सहकाऱ्यांनी जिल्ह्यातील हिंगणी (ता. तेल्हारा) येथे भेट देऊन श्री. कोरडे यांच्या बागेची पाहणी केली. यावेळी त्यांनी पुरस्काराबाबत शेतकऱ्यांना आवाहन केले.
यानिमित्ताने केळी उत्पादक शेतकऱ्यांनी निवडपूर्व आवेदन पत्र कशाप्रकारे भरावे याची माहिती याठिकाणी देण्यात आली.
केळी उत्पादक शेतकऱ्यांना श्री. चव्हाण यांच्यासह महाराष्ट्र राज्य ऊस उत्पादक संघाचे संस्थापक अध्यक्ष अतुल माने पाटील, केळी संघाचे राज्य तज्ज्ञ संचालक नामदेव वलेकर, समन्वयक सचिन कोरडे, अकोट तालुकाध्यक्ष अनंता सरोदे यांनी मार्गदर्शन केले.
राज्यस्तरीय कार्यक्रमात निवडलेल्या शेतकऱ्यांना सन्मानचिन्ह, मानपत्र देऊन गौरविण्यात येईल, अशी माहितीही श्री. कोरडे यांनी दिली.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
