Poultry : पोल्ट्रीची जाळी तोडून २०० कोंबड्या केल्या फस्त

बिबट्याकडून परिसरातील पाळीव प्राण्यांवर हल्ले होत असल्याचे प्रकार घडत असताना आता बिबट्याने थेट पोल्ट्रीमध्ये शिरून कोंबड्यांवरच ताव मारला आहे. अचानक झालेल्या या हल्ल्याने कुक्कुटपालक भयभीत झाले आहेत.
 Poultry Feed
Poultry Feed Agrowon

सिन्नर, जि. नाशिक : दिवसेंदिवस बिबट्याची दहशत (Leaopard Terror) तालुक्यात वाढत असून बिबट्याचा बंदोबस्त करण्याची मागणी होत आहे. बिबट्याचे हल्ले होण्याचे प्रकार वाढतच असून कासारवाडी परिसरात अचानक रविवारी (ता. २७) मध्यरात्रीच्या सुमारास बिबट्या कासारवाडी येथील कोंबड्यांच्या पोल्ट्री (Poultry) फार्ममध्ये घुसला.

 Poultry Feed
Attacker Leopard : हल्लेखोर बिबट्या अखेर जेरबंद

बिबट्याने एका पोल्ट्री फार्मची जाळी तोडून आत प्रवेश करत २०० कोंबड्या फस्त केल्याची घटना घडली. एकीकडे रात्रीच्यावेळी घराबाहेर पडणे नागरिकांना मुश्कील झाले आहे. तर बिबट्याकडून परिसरातील पाळीव प्राण्यांवर हल्ले होत असल्याचे प्रकार घडत असताना आता बिबट्याने थेट पोल्ट्रीमध्ये शिरून कोंबड्यांवरच ताव मारला आहे. अचानक झालेल्या या हल्ल्याने कुक्कुटपालक भयभीत झाले आहेत.

 Poultry Feed
Leopard Attack : आई-वडिलांच्या कुशीतून बिबट्याने बालकाला पळविले

कासारवाडी येथे वैभव चंद्रकात देशमुख यांची ५ हजार कोंबड्यांचा पोल्ट्री फार्म आहे. महिनाभरापूर्वीच त्यांनी पोल्ट्रीत कोंबड्या टाकल्या होत्या. सद्यःस्थितीत कोंबड्यांचे वजन दीड किलोच्या आसपास आहे. रविवारी (ता. २७) रात्री बिबट्याने पोल्ट्री फार्मची जाळी तोडून आत प्रवेश केला व दिसेल त्या कोंबड्यांवर हल्ला करण्यास सुरुवात केली. कोंबड्याही भेदरून सैरावैरा पळू लागल्या. बिबट्याने यात अनेक कोंबड्या फस्त करत तेथून पळ काढला.

कोंबड्याचा आवाज ऐकून शेजारीच राहत असलेले देशमुख यांनी बघितले असता अनेक कोंबड्या मृत झाल्याचे त्यांचे लक्षात आले. यात जवळपास २०० कोंबड्या मृत पावल्या आहेत. सकाळी ग्रामस्थांना याबाबत माहिती कळताच माजी उपसरपंच सचिन देशमुख यांनी घटनास्थळी येत पाहणी केली. त्यांनी वन विभागाला याबाबत माहिती देत तत्काळ पंचनामा करण्याची मागणी केली. वन विभागाचे आकाश रूपवते यांनी घटनास्थळी येत पंचनामा केला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com