Leopard : उंडवडी परिसरात बिबट्याची दहशत

उंडवडीत मोठे ऊस क्षेत्र, नदीच्या पुरतटावर वाढलेले कुबाभूळ व इतर वृक्षांचे दाट जंगल यामुळे बिबट्याला येथे लपण्यासाठी व अधिवासासाठी चांगली जागा उपलब्ध झाली आहे.
Leopard Terror
Leopard Terror Agrowon

यवत ः उंडवडी (ता. दौंड) परिसरात बिबट्याची दहशत (Leopard Terror) पसरली आहे. मागील दोन महिन्यांत अकरांहून अधिक पाळीव प्राण्यांचा जीव बिबट्याने (Bibatya) घेतल्याचे येथील नागरिक सांगत आहेत. वनविभागानेही (Forest Department) त्यास दुजोरा दिला आहे. लोकांच्या मनात वाढत्या भीतीची दखल घेऊन आमदार राहुल कुल (MLA Rahul Kool) यांनी वन विभागाला उपाय योजना करण्याबाबत सूचना केल्या असल्याचेही सांगण्यात आले.

Leopard Terror
Leopard Attack: बिबट्याच्या हल्ल्यात पाच पशुधनाचा मृत्यू

उंडवडीत मोठे ऊस क्षेत्र, नदीच्या पुरतटावर वाढलेले कुबाभूळ व इतर वृक्षांचे दाट जंगल यामुळे बिबट्याला येथे लपण्यासाठी व अधिवासासाठी चांगली जागा उपलब्ध झाली आहे. मात्र असे असले तरी त्याच्या खाण्याची गरज हे जंगल किंवा ऊस क्षेत्र भागवू शकत नाही. त्यामुळे या बिबट्यांनी अन्नासाठी पाळीव प्राण्यांना लक्ष केले आहे. मागील अनेक दिवसांपासून दौंड तालुक्यातील नदीलगतच्या व ऊस क्षेत्र असलेल्या भागात बिबट्यांचा वावर वाढला आहे. वन विभागाने वेळोवेळी केलेल्या पाहणीतही याची खात्री झालेली आहे.

मात्र या बिबट्यांना पकडण्यासाठी क्वचितच व्यवस्था केली जाते. उंडवडी परिसरात शेतीसोबत दुग्धोत्पादन मोठ्या प्रमाणात केले जाते. त्यामुळे पाळीव जनावरांची संख्या मोठी आहे. बिबट्याच्या हल्ल्यात जनावांराचा जीव जात आहे. परिसरातील नागरिक मोठ्या दहशतीखाली आहेत. ग्रामपंचायतीकडून वन विभागाला पत्रही देण्यात आले आहे, असे उंडवडीच्या सरपंच दीपमाला जाधव यांनी सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com