बैल सजावटीचे साहित्य खरेदीला प्रतिसाद कमी

नाशिक शहरात पंचवटी परिसरात निमानी, पेठ नाका, बाजार समिती व्यापारी संकुल, सातपूर परिसरात मोठ्या प्रमाणावर दुकाने थाटलेली असतात. शेतकऱ्यांची गर्दी काहीशी कमीच आहे.
Bail Pola
Bail PolaAgrowon

नाशिक : बैल (Bull) हा शेतकऱ्यांच्या जीवनातील एक जोडलेला घटक आहे. बैलां प्रती कृतज्ञता व्यक्त करण्यासाठी शेतकरी तयारी करत असतो. त्यामुळे सजावटीचे साहित्य खरेदीसाठी बाजारपेठ फुलते; मात्र चालूवर्षी कोरोनाचे (Corona) कुठलेही निर्बंध नसल्याने शेतकऱ्यांमध्ये काहीसे आनंदाचे वातावरण आहे; मात्र सजावटीच्या साहित्याच्या दरात २० ते ३० टक्के वाढ झाल्याने खरेदीला प्रतिसाद कमी असल्याने विक्रेत्यांचा हिरमोड झाला आहे. शेतकऱ्यांसमोर आर्थिक कोंडी कायम असल्याने यावर्षीही बाजार अपेक्षित फुललेला नाही.

Bail Pola
Soybean : सोयाबीन आणि युरियाची मात्रा

दरवर्षी पोळ्याला बैलांना सजविण्यासाठी घुंगरमाळ, बाशिंग, बेगडं, शिंगाचे गोंडे, बैलांना रंग, रंगीत पट्ट्या, नवीन कासरे अशा साहित्याने बाजारपेठ भरलेली असते. गतवर्षीच्या तुलनेत चालूवर्षी बाजारपेठेत दुकाने थाटून ती फुलली आहेत; मात्र साहित्याच्या वाढलेल्या दरामुळे बैलांना सजविण्याची शेतकऱ्यांची खरेदीसाठी लगबग कमी दिसून आली.

Bail Pola
Cotton : गुलाबी बोंड अळी व्यवस्थापनासाठी शेती शाळेतून मार्गदर्शन

नाशिक शहरात पंचवटी परिसरात निमानी, पेठ नाका, बाजार समिती व्यापारी संकुल, सातपूर परिसरात मोठ्या प्रमाणावर दुकाने थाटलेली असतात. शेतकऱ्यांची गर्दी काहीशी कमीच आहे. एकीकडे यांत्रिकीकरण वाढल्याने बैलांची संख्या कमी झाल्याचे दिसून येते. काहींनी हौसेपोटी बैलजोड्या सांभाळल्या आहेत. त्यामुळे बाजारात विक्रेत्यांनी साहित्य भरले; मात्र दरात वाढ झाल्याने ग्राहकांचा प्रतिसाद काहीसा कमीच आहे. त्यामुळे हिरमोड झाल्याचे विक्रेत्यांनी सांगितले.

चालूवर्षी शेतकरी खरेदीसाठी येतील अशी अपेक्षा होती; मात्र अपेक्षित प्रतिसाद मिळाला नाही. त्याला कारण यावर्षी प्रत्येक वस्तू मागे जवळपास २० ते ३० टक्के वाढ झाली आहे. त्यामुळे शेतकरी थोडीफार खरेदी करत आहे.
जयवंताबाई अल्हाट, साहित्य विक्रेत्या, पंचवटी-नाशिक.
शिवारात मोठे नुकसान आहे. थोडाफार शेतीमाल विकायला आणतो; मात्र त्याचे पैसे होत नाहीत. त्यामुळे पैसे नसल्याने थोडीफार खरेदी केलेली आहे. त्यातच चालू वर्षी सर्वच साहित्याच्या दरात वाढ झाल्याने अडचण आहे.
बाजीराव जाधव, उमराळे, ता. दिंडोरी.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com