Maharashtra-Gujarat border : सुरगाणा तालुक्यातील गावे गुजरातमध्ये घ्या

पळसण, ता. सुरगाणा : सुरगाणा तालुक्यातील महाराष्ट्र- गुजरात सीमावर्ती (Maharashtra-Gujarat border) भागांतील गावे, वाडे, पाडे गुजरात राज्यामध्ये सामील करून घ्यावीत, अशी मागणी सुरगाणा तालुका सीमा संघर्ष समितीने (Surgana Taluka Seema Sangharsh Samiti) केली. या बाबत सोमवारी (ता.५) संघर्ष समितीच्या शिष्टमंडळाने वासदा (जि. डांग, गुजरात) येथील तहसीलदारांना लेखी निवेदन दिले.

सुरगाणा तालुक्यातील सीमावर्ती भागातील गाव व पाडे गेल्या अनेक वर्षांपासून अविकसित असल्याने ही सर्व गावे गुजरातमध्ये सामील करण्याची मागणी काही नागरिकांनी केली. त्यानंतर चिंतामण गावित यांच्या अध्यक्षतेखाली सुरगाणा तालुका सीमा संघर्ष समितीची स्थापना केली. त्यानंतर वासदा तहसीलदारांना समितीने निवेदन दिले. दरम्यान, सोमवारी (ता. ५) जिल्हाधिकारी गंगाथरण. डी यांनी सुरगाणा तहसिल कार्यालयात अधिकाऱ्यांच्या उपस्थितीत बैठक घेत अडी-अडचणींचा आढावा घेतला.

सीमा संघर्ष समितीची मागणी गुजरात सरकारपर्यंत पोहोचवू. निर्णय गुजरात सरकार घेईल.

- मनसुख वसावा, तहसीलदार,वासदा