बंगालच्या उपसागरातून मॉन्सूनची चाल

महाराष्ट्रातील आगमनासाठी वाट पहावी लागणार
बंगालच्या उपसागरातून मॉन्सूनची चाल
monsoonagrowon

पुणे : नैर्ऋत्य मोसमी वाऱ्यांच्या (मॉन्सून) (monsoon) बंगालच्या उपसागरातील शाखेने पुढे चाल करत मंगळवारी (ता. ७) तामिळनाडूच्या काही भागातही प्रगती केली आहे. मात्र केरळात वेळेआधी दाखल झाल्यानंतर वेगाने गोव्याच्या उंबरठ्यापर्यंत मजल मारणाऱ्या मॉन्सून वाटचाल थांबलेली आहे. महाराष्ट्रातील मॉन्सूनच्या आगमनासाठी आणखी काही दिवस वाट पहावी लागणार आहे.

यंदा नियमित सर्वसाधारण वेळेच्या तीन दिवस आधीच (२९ जून) देवभुमी केरळमध्ये आगमन झाले. त्यानंतर दोनच दिवसांत ३१ मे मॉन्सूनने संपूर्ण केरळ(Kerala) राज्य व्यापून कर्नाटक किनारपट्टी, दक्षिण अंतर्गत कर्नाटक, तामिळनाडू, दक्षिण बंगालच्या उपसागराच्या आणखी काही भागात प्रगती केली आहे. कारवार, चिकमंगळूरू, बंगळूरू, धर्मापूरीपर्यंतच्या भागात मॉन्सूनने वाटचाल केली आहे. त्यानंतर मात्र अरबी समुद्रावरून(Arabian Sea) मॉन्सूनने वाटचाल केलेली नाही. वाटचालीस पोषक हवामान नसल्याने महाराष्ट्रातील मॉन्सूनचे आगमन लांबणार आहे.

दरम्यान मंगळवारी (ता. ७) मॉन्सूनच्या बंगालच्या उपसागरावरील शाखेने पुढे चाल केली आहे. पदुच्चेरी, कराईकलसह तामिळनाडूचा काही भाग, बंगालच्या उपसागराच्या आणखी काही भागात मॉन्सूनने प्रगती केली आहे. ईशान्य भारतातील राज्ये, सक्कीम तसेच पश्चिम बंगालच्या हिमालयाकडील भागातील मॉन्सूनच्या वाटचालीची सीमा कायम असल्याचे हवामान विभागाने म्हटले आहे

मॉन्सूनचे आगमन फार लांबलेले नाहीकोकणात साधारणत: ५ जून नंतर मॉन्सून दाखल होतो. त्यानंतर हळूहळू तो महाराष्ट्राच्या विविध भागात दाखल होत असतो. यंदा केरळ आणि कर्नाटकात मॉन्सून लवकर आल्याने महाराष्ट्रातही त्याचे लवकर आगमन होईल अशी अपेक्षा शेतकऱ्यांकडून केली जात होती. मॉन्सूनची प्रगती थांबल्याने चिंता व्यक्त केली जात आहे. मॉन्सूनचे आगमन खूप लांबलेले नसून, अद्यापही आपण नियमित वेळेच्या जवळच आहोत. शिवाय राज्याच्या दक्षिणेकडील भागामध्ये पूर्वमोसमी पाऊस सुरूच आहे. मॉन्सूनच्या आगमनाविषयी हवामान विभागाकडून माहिती देण्यात येईल.

डॉ. कृष्णानंद होसाळीकर, शास्त्रज्ञ, हवामान विभाग, पुणे

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com