Mosambi Orchard : चांगल्या उत्पादनासाठी मोसंबी बागांचे आरोग्य जपा

मोसंबी बागेतून चांगल्या प्रतीचे उत्पादन मिळविण्यासाठी झाडांचे आरोग्य जपणे अधिक फायदेशीर ठरते, असे प्रतिपादन मोसंबी संशोधन केंद्राचे प्रमुख शास्रज्ञ डॉ. संजय पाटील यांनी केले.
Mosmabi Orchard
Mosmabi Orchard Agrowon

Jalna News : मोसंबी बागेतून (Mosambi Orchard) चांगल्या प्रतीचे उत्पादन (Mosambi Production) मिळविण्यासाठी झाडांचे आरोग्य जपणे अधिक फायदेशीर ठरते, असे प्रतिपादन मोसंबी संशोधन केंद्राचे प्रमुख शास्रज्ञ डॉ. संजय पाटील यांनी केले.

सहकार व पणन विभागाच्या ऍग्री बिझनेस नेटवर्क प्रकल्प (मॅग्नेट) आणि आकाश ॲग्रो फार्मर प्रोड्यूसर कंपनीमार्फत तीर्थपुरी (ता. घनसांगवी) येथे आयोजित मोसंबी पीक उत्पादन, सुगीपश्‍चात हाताळणी, विपणन प्रक्रिया या प्रशिक्षणाच्या प्रसंगी शुक्रवारी (ता. १०) ते बोलत होते.

Mosmabi Orchard
Mosambi Production : मोसंबीच्या उत्पादनवाढीसाठी बहर व्यवस्थापन महत्त्वाचे

या वेळी व्यासपीठावर पणन मंडळाचे विभागीय उपसंचालक जी. सी. वाघ, कृषी विज्ञान केंद्राचे विषय विशेषज्ञ डॉ. शशिकांत पाटील, मोसंबी बागायतदार संघाचे सचिव अतुल लड्डा, आकाश ऍग्रोचे संचालक आकाश गौर आदींची उपस्थिती होती.

Mosmabi Orchard
Mosambi Farming : मोसंबीच्या मोजक्या फळबागा शास्त्रीय पद्धतीच्या

या वेळी डॉ. पाटील म्हणाले, की मोसंबी पिकाचे अन्नद्रव्य-पाणी व्यवस्थापन नीटनेटके केल्यास झाडांची डायबॅक, गमोसीस, ग्रीनिंग, झाडे पिवळी पडणे आदी रोगास प्रतिकार करण्याची क्षमता वाढीस लागते, त्यामुळे फळांची प्रत अन् दर्जा सुधारून बाजारपेठेत अधिकचे दर मिळतात, म्हणून बागायतदारांनी झाडांचे आरोग्य जपण्यावर अधिकचा भर द्यावा.

मोसंबी उत्पादकांनी प्रक्रिया उद्योग उभारणीवर भर द्यावा, असे आवाहन डॉ. शशिकांत पाटील यांनी तर पणन मंडळाच्या मोसंबी प्रक्रिया उद्योग उभरणीसाठीच्या विविध योजनांची माहिती जी सी वाघ यांनी दिली.

मोसंबी बागांची सिट्रस नेटवर नोंदणी करण्याचे आवाहन अतुल लडडा यांनी केले. कार्यक्रमाचे प्रास्ताविक आकाश गौर यांनी तर आभार प्रदर्शन राजीव पाटील यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com