Sugar Industry : ‘माळेगाव’ उभारणार पाच कोटींचे साखर गोडाउन

माळेगावच्या प्रशासनाने आगामी ऊस गळीत हंगामात उत्पादित होणाऱ्या अतिरिक्त साखरेचे संरक्षण होण्यासाठी साडेतीन लाख क्विंटल साठवण क्षमतेचे गोडाऊन उभारण्याचे निश्चित केले आहे.
Sugar Industry
Sugar IndustryAgrowon

माळेगाव ः ‘‘माळेगावच्या (Malegaon Sugar Factory) प्रशासनाने आगामी ऊस गळीत हंगामात (Sugarcane Crushing Season) उत्पादित होणाऱ्या अतिरिक्त साखरेचे (Sugar Production) संरक्षण होण्यासाठी साडेतीन लाख क्विंटल साठवण क्षमतेचे गोडाऊन (Sugar Storage Warehouse) उभारण्याचे निश्चित केले आहे. त्यासाठी सुमारे ५ कोटी रुपयांची तरतूद प्रशासनाने केली आहे. पुढील दोन ते अडीच महिन्यांत हे गोडाउन प्रत्यक्षात वापरात येईल,’’ अशी माहिती कार्यकारी संचालक राजेंद्र जगताप यांनी दिली.

Sugar Industry
Sugar Sale : साखरेचा सप्टेंबरचा स्थानिक विक्री कोटा वाढवला

गोडाउनच्या कामाचा प्रारंभ कारखान्याचे अध्यक्ष बाळासाहेब तावरे, उपाध्यक्ष सागर जाधव आदी संचालक मंडळांच्या हस्ते नुकताच झाला. संचालक रंजन तावरे, तानाजी कोकरे, योगेश जगताप, अनिल तावरे, मदनराव देवकाते, संजय काटे, स्वप्नील जगताप, दत्तात्रेय येळे, तानाजी देवकाते, पोपटराव बुरुंगले, प्रताप आटोळे, माजी संचालक तानाजी पोंदकुले, कार्यकारी संचालक राजेंद्र जगताप, सिव्हिल इंजिनिअर अजित देवकाते आदी उपस्थित होते.

सतरा लाख क्विंटलपेक्षा अधिक साखरेचे उत्पादन होत आहे. कारखान्याची मुळची साखर साठवण क्षमता साडेदहा लाख क्विंटलपर्यंत आहे. उर्वरित साखर कारखाना कार्यस्थळावर उघड्यावर ताडपत्रीद्वारे झाकून ठेवली जात होती. त्यामुळे संचालक मंडळाने नव्याने साखर गोडाउन उभारणीचा धोरणात्मक निर्णय घेतला. गोडाउनचा आकार ११७.४० बाय ४६ मीटर, क्षेत्रफळ ५८ हजार चौरस फूट, साखर पोती क्षमता ३.५० लक्ष क्विंटल आहे. तर सुमारे पाच कोटी रुपये खर्च होतील.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com