Bribe : मंडळ अधिकाऱ्यासह महिलेला ५० हजारांची लाच घेताना अटक

पाथर्डी परिसरातील जमिनीच्या तक्रारी अर्जावरील निकाल आपल्या बाजूने देण्यासाठी ५० हजार रुपयांच्या लाचेची रक्कम खासगी महिलेमार्फत स्वीकारल्याप्रकरणी मंडळ अधिकाऱ्यासह लाच स्वीकारणाऱ्या महिलेला अटक करण्यात आली.
Bribe
BribeAgrowon

नाशिक : पाथर्डी परिसरातील जमिनीच्या तक्रारी अर्जावरील निकाल आपल्या बाजूने देण्यासाठी ५० हजार रुपयांच्या लाचेची (Bribe) रक्कम खासगी महिलेमार्फत स्वीकारल्याप्रकरणी मंडळ अधिकाऱ्यासह लाच स्वीकारणाऱ्या महिलेला अटक (Arrest In Bribe Case) करण्यात आली.

Bribe
Bribe : पंधरा हजाराची लाच घेताना कृषी अधिकाऱ्याला अटक

लाचलुचपत प्रतिबंधक विभागाच्या पथकाने ही कारवाई केली. पुरुषोत्तम दत्तात्रय पराडकर (४०) असे मंडळ अधिकाऱ्याचे, तर केतकी किरण चाटोरकर (४१, रा. पाटील गार्डन, चार्वाक चौक, इंदिरानगर) अशी दोघा लाचखोर संशयितांची नावे आहेत.

Bribe
Bribe : लाचखोर महिला तलाठीस तीन वर्षे सश्रम कारावास

जमिनीसंदर्भातील तक्रारीचा निकाल त्यांच्या बाजूने देण्यासाठी पाथर्डीचे मंडळ अधिकारी पुरुषोत्तम पराडकर यांनी संशयित महिला केतकी चाटोरकर यांच्या मार्फत एक लाखाच्या लाचेची मागणी तक्रारदाराकडे केली होती. तक्रारदाराने लाचलुचपत प्रतिबंधक विभागाकडे तक्रार केली. त्यानंतर लाचलुचपत प्रतिबंधक विभागाने केलेल्या पडताळणीतही पंच व साक्षीदारासमोर संशयित महिला चाटोरकर यांनी लाचेची मागणी केली. ५० हजार रुपये पराडकर यांनी संशयित केतकी यांना स्वीकारण्यास सांगितले.

त्यानुसार तक्रारदारांकडून ५० हजारांची लाचेची रक्कम स्वीकारली. ही कारवाई लाचलुचपत प्रतिबंधक विभागाचे पोलिस अधीक्षक सुनील कडासने, अपर अधीक्षक नारायण न्याहाळदे यांच्या मार्गदर्शनाखाली उपअधीक्षक व सापळा अधिकारी वैशाली पाटील, पोलिस नाईक शरद हेंबाडे, राजेंद्र गिते, महिला अंमलदार शीतल सूर्यवंशी यांनी केली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com