Soybean Vaydebandi : वायदेबंदी विरोधात सेबीसमोरील आंदोलनाला अनेक संघटनांचा पाठिंबा

डिसेंम्बर मध्ये ही मुदत संपणार होती व नवीन वर्षात शेतीमालाचे वायदे सुरू होतील अशी अपेक्षा होती. मात्र सेबीने गहू, तांदूळ, चना, मूग, सोयाबीन व त्याचे उपपदार्थ, मोहरी व त्याचे उपपदार्थ आणि पमतेल या शेतीमलांवरील वायदेबंदीस डिसेंम्बर २०२३ पर्यंत मुदतवाढ दिली आहे.
Anil Ghanwat
Anil GhanwatAgrowon

स्वतंत्र भारत पार्टीने (Swatantra Bharat Party) जाहीर केलेल्या सेबीच्या (SEBI) कार्यालयासमोर धरणे आंदोलनास अनेक संघटना पाठिंबा देत आहेत. शेतीमलावर घातलेल्या वायदेबंदीला (Agriculture Produce Vayadebandi) विरोध करण्यासाठी हजारो शेतकरी धरणे आंदोलनात सहभागी होणार असल्याची माहिती स्वतंत्र भारत पार्टीचे राष्ट्रीय अध्यक्ष, अनिल घनवट (Anil Ghanwat) यांनी दिली आहे.

Anil Ghanwat
Soybean Vaydebandi : वायदेबंदीमागचे गौडबंगाल

सन २०२२ मध्ये अनेक शेतीमालाच्या वायदे बाजारातील व्यापारावर सेबीने बंदी घातली होती. डिसेंम्बर मध्ये ही मुदत संपणार होती व नवीन वर्षात शेतीमालाचे वायदे सुरू होतील अशी अपेक्षा होती.

मात्र सेबीने गहू, तांदूळ, चना, मूग, सोयाबीन व त्याचे उपपदार्थ, मोहरी व त्याचे उपपदार्थ आणि पमतेल या शेतीमलांवरील वायदेबंदीस डिसेंम्बर २०२३ पर्यंत मुदतवाढ दिली आहे. या निर्णयामुळे शेतीमालाचे भाव पडले आहेत व त्याचा थेट आर्थिक फटका शेतकऱ्यांना बसतो आहे.

Anil Ghanwat
Soybean Vaydebandi : वायदेबंदी उठवा; अन्यथा ‘सेबी’समोर धरणे धरू

या कारवाईचा निषेध करत स्वतंत्र भारत पार्टीने वायदेबंदी मागे घेण्याची सेबीला विनंती केली होती. मात्र एक महिना होऊन ही सेबीने काहीच प्रतिसाद न दिल्यामुळे आंदोलन करण्याची वेळ आली आहे.

आंदोलनातील सर्व मागण्या शेतकरी हिताच्या आहेत व त्या मान्य असल्यामुळे शेतकरी संघटना (शरद जोशी), शेतकरी संघटना (रघुनाथ दादा), किसानपुत्र आंदोलन, व अनेक शेतकरी उत्पादक कम्पन्यांनी या आंदोलनाला पाठिंबा दिला आहे व सक्रिय सहभाग घेणार आहेत.

शेतकरी संघटनेचे अध्यक्ष ललित बहाळे, माजी आमदार वामनराव चटप, स्व. भा. पार्टीचे प्रदेशाध्यक्ष, मधुसूदन हरणे, स्व. भा. पार्टीच्या महिला आघाडी प्रदेशाध्यक्षा, सीमाताई नरोडे, पुणे शहर अध्यक्ष, महेश गजेंद्रगडकर, अमित सिंग आदी नेते आंदोलनाचे नेतृत्व करतील.

महाराष्ट्रभरातून हजारो शेतकरी दि. २३ जानेवारी रोजी बांद्रा कुर्ला कॉम्प्लेक्स येथील सेबी कार्यालयासमोर होणाऱ्या आंदोलनात सहभागी होणार असल्याची माहिती स्वतंत्र भारत पार्टीचे राष्ट्रीय अध्यक्ष, अनिल घनवट यांनी प्रसिद्धीस दिली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com