Safflower Pest : करडई पिकावर मावा, हरभऱ्यावर घाटेअळी

कृषी विभागातील पाच जिल्ह्यात सरासरी क्षेत्राच्या पुढे जाऊन पेरणी झालेल्या करडई पिकावर मावा तर हरभरा पिकावर घाटे अळीचा प्रादुर्भाव आढळून आला आहे.
Safflower Pest
Safflower PestAgowon

लातूर : कृषी विभागातील पाच जिल्ह्यात सरासरी क्षेत्राच्या पुढे जाऊन पेरणी (Sowing) झालेल्या करडई पिकावर मावा (Safflower Pest) तर हरभरा पिकावर (Chana Crop Pest) घाटे अळीचा प्रादुर्भाव आढळून आला आहे. लातूर कृषी विभागातील पाच जिल्ह्यात रब्बी हंगामातील सरासरी क्षेत्र १३ लाख ६३ हजार ९३१ हेक्टर आहे. प्रत्यक्षात १६ लाख ७९ हजार ९२० हेक्टर क्षेत्रावर म्हणजे सरासरीच्या १२३ टक्के क्षेत्रावर प्रत्यक्ष पेरणी झाली आहे.

Safflower Pest
Safflower Sowing : मराठवाड्यात बावीस हजार हेक्टरवर करडई पेरणी

विभागातील पाचही जिल्ह्यांत करडई पिकाचे सर्वसाधारण क्षेत्र १९५३१ हेक्टर आहे. प्रत्यक्षात २३९४८ हेक्टर क्षेत्रावर करडई पिकाची पेरणी झाली. हे पीक सध्या वाढीच्या व फुलोरा अवस्थेत आहे.

मात्र काही प्रमाणात पिकावर मावा किडीचा प्रादूर्भाव आढळून आला आहे. हरभरा पिकाचे पाच जिल्ह्यातील सर्वसाधारण क्षेत्र ७८६१२४ हेक्टर असताना प्रत्यक्षात ११६०२९१ हेक्टर क्षेत्रावर पेरणी झालेली आहे.

Safflower Pest
Chana Market : हरभरा दर यंदातरी आधार देतील का?

हरभऱ्याचे पीक सध्या फुलोरा व घाटे भरण्याच्या अवस्थेत आहे. पाचही जिल्ह्यात घाटेअळीचा प्रादुर्भाव आढळून आला आहे. याशिवाय सर्व जिल्ह्यात काही ठिकाणी पिकांवर अल्प प्रमाणात मर रोगाचा प्रादूर्भाव आढळून येत आहे. रब्बी ज्वारी पिकाचे सर्वसाधारण क्षेत्र ३७१८५७ हेक्टर आहे.

आतापर्यंत २९८१०८ हेक्टर क्षेत्रावर पेरणी झालेली आहे. पीक सध्या वाढीच्या ते पोटरी अवस्थेत आहे. नांदेड जिल्ह्यात काही ठिकाणी लष्करी अळीचा प्रादुर्भाव दिसून आला आहे. गहू पिकाचे सर्वसाधारण क्षेत्र १५६५१९ हेक्टर आहे. प्रत्यक्षात १५४१२१ हेक्टर क्षेत्रावर पेरणी झाली आहे.

गव्हाचे पीक सध्या वाढीच्या, काही प्रमाणात ओंबी भरण्याच्या अवस्थेत आहे. रब्बी मका पिकाचे सर्वसाधारण क्षेत्र १७९७१ हेक्टर आहे. प्रत्यक्षात १७७६५ हेक्टर क्षेत्रावर पेरणी झालेली आहे. हे पीक सध्या वाढीच्या अवस्थेत आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com