Weather Update : निफाड येथे किमान तापमान ११.२ अंशांवर

बंगालच्या उपसागरात श्रीलंकेच्या किनाऱ्यालगत बुधवारपर्यंत (ता. ९) कमी दाबाचे क्षेत्र तयार होण्याचे संकेत आहेत. ही प्रणाली तमिळनाडू पद्दूचेरीकडे येताना आणखी तीव्र होण्याचे संकेत आहेत.
Nashik Winter
Nashik WinterAgrowon

पुणे : राज्याच्या कमाल आणि किमान तापमानात (Temperature Fluctuation) चढ-उतार होत आहेत. उत्तर महाराष्ट्रातील रविवारी (ता. ६) सकाळपर्यंतच्या २४ तासांमध्ये निफाड येथील गहू संशोधन केंद्र (Wheat Research Center) येथे ११.२ अंश सेल्सिअस तापमानाची, तर सांताक्रूझ येथे सर्वाधिक ३६.६ अंश सेल्सिअस तापमानाची नोंद झाली. आज (ता. ७) राज्यात निरभ्र आकाशासह कोरडे हवामान (Dry Weather Forecast) राहण्याचा अंदाज आहे.

Nashik Winter
Weather Update : बहुतांश ठिकाणी निरभ्र, कोरडे हवामान : थंडीत वाढ शक्य

बंगालच्या उपसागरात श्रीलंकेच्या किनाऱ्यालगत बुधवारपर्यंत (ता. ९) कमी दाबाचे क्षेत्र तयार होण्याचे संकेत आहेत. ही प्रणाली तमिळनाडू पद्दूचेरीकडे येताना आणखी तीव्र होण्याचे संकेत आहेत. बंगालच्या उपसागरात विषुववृत्ताजवळ चक्राकार वाऱ्यांची स्थिती आहे. त्यापासून कोमोरिन भागापासून हवेचा कमी दाबाचा पट्टा सक्रिय आहे.

Nashik Winter
Cold Weather : नोव्हेंबर महिन्यात थंडी कमी राहण्याची शक्यता

राज्यात पहाटे गारठा, धुके आणि दव पडत आहे. दिवसभर उन्हासह कोरडे वारे वाहत आहेत. राज्यात किमान तापमान ११ ते २० अंशांच्या दरम्यान आहे. कोकणात कमाल तापमानाचा पारा ३६ अंशांच्या पार गेला आहे. तर उर्वरित राज्यात बहुतांशी ठिकाणी कमाल तापमान ३० अंशांच्या वरच आहे. कमाल आणि किमान तापमानात चढ-उतार सुरूच राहण्याची शक्यता हवामान विभागाने वर्तविली आहे.

रविवारी (ता. ६) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान. (अंश सेल्सिअसमध्ये) :

पुणे ३१.६ (१२.७), जळगाव ३४.५ (१४.७), धुळे ३३ (११.४), कोल्हापूर ३१.१ (२०.५), महाबळेश्‍वर २७.२ (१५.५), नाशिक ३०.९ (१३.४), निफाड ३०.१ (११.२), सांगली ३२.२ (२०), सातारा ३०.९ (१६.९), सोलापूर ३३.५ (१८.१), सांताक्रूझ ३६.६(१९.६), डहाणू ३६.१ (१९.७), रत्नागिरी ३५.४ (२३.१), औरंगाबाद ३१.६ (१३.०), नांदेड ३२.८ (१६.६), उस्मानाबाद - (१५.४), परभणी ३२.४ (१४.९), अकोला ३५ (१८.४), अमरावती ३४.४ (१६.१), बुलडाणा ३२ (१७), ब्रह्मपुरी ३४.९ (१९.२), चंद्रपूर ३१.६ (१७.२), गडचिरोली ३२ (१६.४), गोंदिया ३२.५ (१६.२), नागपूर ३३.४ (१८.०), वर्धा ३३.२ (१८.८), वाशीम ३३.६ (१६.६), यवतमाळ ३३.५ (१६.५).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com