Weather Update : किमान तापमानात घट होण्याची शक्यता

Pune Weather News : उत्तरेकडील राज्यांमध्ये गारठा (Cold Weather) वाढू लागला आहे. उद्यापासून मध्य प्रदेश आणि वायव्य भारताच्या किमान तापमानात (Minimum Temperature) सरासरीच्या तुलनेत २ ते ४ अंशांची घट होण्याचे संकेत आहेत. परिणामी राज्यातही किमान तापमानात हळूहळू घट होण्याची शक्यता आहे. सोमवारी (ता. १४) सकाळपर्यंतच्या २४ तासांमध्ये निफाड येथील गहू संशोधन केंद्रात (Wheat Research Center) १२.५ अंश सेल्सिअस तापमानाची नोंद झाली.

राज्यात थंडीची चाहूल लागल्यानंतर किमान आणि कमाल तापमानात सातत्याने चढ-उतार सुरू आहेत. काही भागात पहाटे थंडी आणि दुपारी चटका ही स्थिती आहे. राज्यात सध्या किमान तापमान १२ ते २५ अंशांच्या दरम्यान आहे. पहाटे गारठा असून, धुके, दव दिसून येत आहे. कमाल तापमान ३० ते ३५ अंशांच्या आसपास स्थिरावले आहे. आज (ता. १५) राज्यात कोरड्या हवामान व आकाश निरभ्र राहून, तापमानात चढ-उतार होण्याचा अंदाज हवामान विभागाने वर्तविला आहे.

उपसागरात उद्या कमी दाब क्षेत्राचे संकेत

बंगालच्या उपसागरातील कमी दाबाचे क्षेत्र अरबी समुद्राकडे सरकल्यानंतर निवळून गेले आहे. आग्नेय अरबी समुद्रात लक्षद्वीप बेटांजवळ समुद्र सपाटीपासून ५.८ किलोमीटर उंचीवर चक्राकार वाऱ्यांची स्थिती आहे. त्यापासून केरळ, तामिळनाडू, कोमोरीन भागापर्यंत हवेचा कमी दाबाचा पट्टा सक्रिय आहे. आग्नेय बंगालच्या उपसागरात उद्या (ता. १६) नवीन कमी दाबाचे क्षेत्र तयार होण्याची शक्यता आहे.

सोमवारी (ता. १४) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) :

पुणे ३०.४ (१३.९), जळगाव ३५.८ (१६.३), धुळे ३०.० (१३.०), कोल्हापूर ३१.८ (२१.१), महाबळेश्वर २७.१(१६.०), नाशिक २८.७ (१५.१), निफाड ३०.५ (१२.५), सांगली ३२.६(१९.१), सातारा ३१.१(१६.४), सोलापूर ३४.३ (१९.४), सांताक्रूझ ३४.८(२१.२), डहाणू ३४.८ (२१.१), रत्नागिरी ३५.८ (२४.३), औरंगाबाद २९.४ (१२.८),

नांदेड ३३.२ (१६.८), उस्मानाबाद - (१९.०), परभणी ३०.५ (१५.०), अकोला ३२.० (१७.०), अमरावती ३१.० (१४.८), बुलढाणा २९.५ (१५.५), ब्रह्मपूरी ३२.२ (१५.४), चंद्रपूर २९.६ (१६.४), गडचिरोली ३१.४(१५.२), गोंदिया २९.५(१३.६), नागपूर ३०.४ (१३.०), वर्धा - (३०.४), वाशीम ३२.४ (१७.०), यवतमाळ ३०.५ (१३.०).