Monsoon Update : मॉन्सूनचा देशाला रामराम

यंदा देवभूमी केरळमध्ये नियमित वेळेच्या तीन दिवस आधीच (२९ मे ) पोचून, १६ जून रोजी मॉन्सूनने महाराष्ट्र व्यापला. २ जुलै रोजी राजस्थानसह संपूर्ण देशभरात मॉन्सून दाखल झाला.
Monsoon Update
Monsoon UpdateAgrowon

पुणे : नैॡत्य मोसमी वाऱ्यांनी (मॉन्सून) (Monsoon Rain) रविवारी (ता. २३) उर्वरित महाराष्ट्रासह संपूर्ण देशाचा निरोप (Monsoon Withdraw From India) घेतला. दक्षिण भारतातील राज्यात ईशान्य मोसमी वारे सक्रिय झाल्याचे हवामान विभागाने (Weather Department)जाहीर केले. देशामध्ये २९ मे रोजी दाखल झालेल्या मॉन्सूनने तब्बल ४ महिने २५ दिवस मुक्काम रविवारी (ता. २३) करून संपूर्ण देशाचा निरोप घेतला.

Monsoon Update
Monsoon Rain : मॉन्सून उघडण्याच्या मार्गावर

यंदा देवभूमी केरळमध्ये नियमित वेळेच्या तीन दिवस आधीच (२९ मे ) पोचून, १६ जून रोजी मॉन्सूनने महाराष्ट्र व्यापला. २ जुलै रोजी राजस्थानसह संपूर्ण देशभरात मॉन्सून दाखल झाला. त्यानंतर वायव्य भारतात यंदा २ महिने १८ दिवस मुक्काम करत मॉन्सूनने २० सप्टेंबर रोजी राजस्थान, कच्छ मधून परतीचा प्रवास सुरू केला. परतीचा प्रवास काहीसा अडखळत करत अखेर रविवारी (ता. २३) मॉन्सून उर्वरित महाराष्ट्रासह देशातून परतला आहे.

...असा कोसळला यंदा पाऊस

यंदा मॉन्सून हंगामात (१ जून ते ३० सप्टेंबर) देशात ९२५.० मिलिमीटर सरासरीपेक्षा ६ टक्के अधिक पाऊस पडला. तर महाराष्ट्रात १२१९.७ मिलिमीटर म्हणजेच सरासरीपेक्षा २३ टक्के अधिक पाऊस पडला. त्यानंतर ऑक्टोबर महिन्यातही राज्यात परतीच्या पावसाने धुमाकूळ घातला. १ ऑक्टोबरपासून रविवारपर्यंत (ता.२३) राज्यात १३२.३ मिलिमीटर (१०२ टक्के अधिक) पाऊस झाला आहे.

परतीच्या प्रवासाची वाटचाल

वर्ष तारीख

२०१८ २१ ऑक्टोबर

२०१९ १६ ऑक्टोबर

२०२० २८ ऑक्टोबर

२०२१ २५ ऑक्टोबर

२०२२ २३ ऑक्टोबर

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com