Bihar Politics: नितीश कुमार यांनी आठव्यांदा घेतली मुख्यमंत्रीपदाची शपथ

भाजपने (BJP) आपल्याविरोधात कट रचला, आपल्या पक्षाला अवमानपूर्वक वागणूक दिल्याचा आरोप करत नितीश कुमार यांनी राष्ट्रीय लोकशाही आघाडीतून (NDA) बाहेर पडण्याचा निर्णय घेतला.
Nitish Kumar
Nitish KumarAgrowon

संयुक्त जनता दलाचे (JDU) सर्वेसर्वा नितीशकुमार यांनी आठव्यांदा राज्याच्या मुख्यमंत्रीपदाची शपथ घेतली. तर तेजस्वी यादव यांनी उपमुख्यमंत्रिपदाची शपथ घेतली. बिहारमध्ये संयुक्त जनता दल (JDU) आणि राष्ट्रीय जनता दल (RJD) युतीचे सरकार स्थापन झाले. काँग्रेस आणि डाव्यांनीही या सरकारला पाठिंबा दिला आहे.

भाजपला सोडचिठ्ठी देत नितीश कुमार यांनी राष्ट्रीय जनता दल, काँग्रेससोबत हातमिळवणी करत नवे सरकार स्थापन केले आहे. बिहारच्या राजभवनात हा शपथविधी सोहळा बुधवारी पार पडला. या शपथविधी सोहळ्याला तेजस्वी यादव यांच्या पत्नी राजश्री यादव, माजी मुख्यमंत्री राबडी देवी तसेच राजदचे नेते तेज प्रताप यादव हे देखील उपस्थित होते.

Nitish Kumar
बिहारमध्ये राजकीय भूकंप: जेडीयूची एनडीएमधून एक्झिट

भाजपने (BJP) आपल्याविरोधात कट रचला, आपल्या पक्षाला अवमानपूर्वक वागणूक दिल्याचा आरोप करत नितीश कुमार यांनी राष्ट्रीय लोकशाही आघाडीतून (NDA) बाहेर पडण्याचा निर्णय मंगळवारी घेतला. त्यांनतर त्यांनी राज्यपाल फग्गु चौहान यांच्याकडे आपल्या पदाचा राजीनामा दिला.

राजीनाम्यानंतर नितीश कुमार यांनी लगेच राष्ट्रीय जनता दलाचे नेते तेजस्वी यादव यांची भेट घेतली. यानंतर महागठबंधनची बैठक झाली. ज्यामध्ये नितीश कुमार यांची नेतेपदी निवड करण्यात आली. महागठबंधनच्या बैठकीला काँग्रेस (Congress) आणि डाव्या पक्षांचे नेतेही उपस्थित होते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com