APMC Cess : मालेगावात बाजार समितीतील खरेदीदारांना सेस वसुलीसाठी नोटीस

स्थानिक कृषी उत्पन्न बाजार समितीमधील खरेदीदारांना थकीत सेस वसुलीसाठी मुख्य प्रशासक तथा उपनिबंधक डी. एच. राठोड यांनी नोटिसा पाठवल्या आहेत. सेसची रक्कम आठ दिवसांत न भरल्यास १२ टक्के दराने व्याज आकारण्यात येईल, असे बजावले आहे.
APMC Cess
APMC CessAgrowon

मालेगाव, जि. वाशीम ः स्थानिक कृषी उत्पन्न बाजार समितीमधील खरेदीदारांना थकीत सेस (APMC Cess) वसुलीसाठी मुख्य प्रशासक तथा उपनिबंधक डी. एच. राठोड यांनी नोटिसा पाठवल्या आहेत. सेसची रक्कम आठ दिवसांत न भरल्यास १२ टक्के दराने व्याज आकारण्यात येईल, असे बजावले आहे.

APMC Cess
Soybean Rate : दर पाडण्यासाठीच वायदे बंदीला ‘सोपा’चे समर्थन

कृषी उत्पन्न बाजार समितीचे संचालक मंडळ बरखास्त झाल्यानंतर प्रशासक पदाचा पदभार जिल्हा उपनिबंधक डी. एच. राठोड यांनी घेतला. त्यांनी ३० ऑगस्टला प्रशासक पदाचा पदभार स्वीकारला. त्यानंतर त्यांनी कृषी उत्पन्न बाजार समितीसह शिरपूर येथील उपबाजाराला भेट दिली. कृषी उत्पन्न बाजार समितीच्या कर्मचाऱ्यांचे सहा महिन्यांचे वेतन थकीत आहे.

विद्युत बिल व शासकीय देणे कृषी उत्पन्न बाजार समितीकडे बाकी आहे. तर, खरेदीदाराकडे २० लाख रुपयांपेक्षा जास्त सेस थकीत आहे. त्यामुळे प्रशासकांनी खरेदीदारांना सेसची रक्कम आठ दिवसांच्या आत भरण्यास सांगितले आहे. अन्यथा १२ टक्के दराने व्याज आकारण्यात येईल, असा इशारा दिला. शिरपूर उपबाजारात हळदीची खरेदी सुरू केल्यास कृषी बाजार समितीच्या उत्पन्नात वाढ होऊ शकते.

कृषी उत्पन्न बाजार समितीच्या शिरपूर उपबाजारात हळदीची खरेदी सुरू केल्यास शेतकऱ्यांना स्थानिक पातळीवर भाव मिळेल.
तुकाराम गावंडे, शेतकरी, मालेगाव जि. वाशीम

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com