Lumpy Vaccination : एक लाख ३० हजार पशुधनाला साताऱ्यात लस

सद्यःस्थितीत जिल्ह्यात दोन लाख ८१ हजार ९०० लस उपलब्ध आहेत. बाधित क्षेत्रातील गावांमध्ये एक लाख ११ हजार ९२८ व इतर अबाधित क्षेत्रातील गावांमध्ये १८ हजार ३२५ असे एकूण एक लाख ३० हजार २५३ पशुधनाचे लसीकरण पूर्ण केल्याची माहिती जिल्हा पशुसंवर्धन उपआयुक्त डॉ. अंकुश परिहार यांनी दिली.
Lumpy Vaccination
Lumpy VaccinationAgrowon

सातारा : जनावरांच्या लम्पी स्कीन (Lumpy Skin) आजाराला रोखण्यासाठी लसीकरण (Lumpy Vaccination) सुरू आहे. सद्यःस्थितीत जिल्ह्यात दोन लाख ८१ हजार ९०० लस उपलब्ध आहेत. बाधित क्षेत्रातील गावांमध्ये एक लाख ११ हजार ९२८ व इतर अबाधित क्षेत्रातील गावांमध्ये १८ हजार ३२५ असे एकूण एक लाख ३० हजार २५३ पशुधनाचे (Livestock) लसीकरण पूर्ण केल्याची माहिती जिल्हा पशुसंवर्धन उपआयुक्त डॉ. अंकुश परिहार (Dr. Ankush Parihar) यांनी दिली.

जिल्ह्यात दहा जनावरांचा मृत्यू झाला असून, आजअखेर ३७ जनावरे लम्पी स्कीन आजाराने दगावली आहेत. जिल्ह्यात फलटण, सातारा, खटाव, कऱ्हाड, पाटण, कोरेगाव, माण, खंडाळा व जावळी असे नऊ तालुक्यांतील ६७ गावांमध्ये आजाराचा प्रादुर्भाव झाला आहे.

आतापर्यंत ४७८ गायी व ६२ बैल असे एकूण ५४० जनावरास लम्पी स्कीनचा प्रादुर्भाव झाला आहे. आजअखेर ३७ जनावरांना मृत्यू झाला आहे, तसेच ७६ गायी व ६ बैल, असे एकूण ८२ जनावरे नियमित उपचाराने बरी झालेली आहेत. उपचारासाठी सर्व आवश्यक औषधे, शासकीय पशुवैद्यकीय दवाखाने आणि तालुका लघू पशुचिकित्सालयांमध्ये उपलब्ध आहेत.

बाधित क्षेत्राच्या ५ किलोमीटर परिघातील एकूण ४०७ गावांतील एक लाख ३५ हजार ७६३ पशुधनास लस दिली आहे. या क्रमांकांवर साधा संपर्क... लम्पी स्कीन आजार औषधोपचाराने बरा होत असल्याने पशुपालकांनी रोग प्रादुर्भावाची लक्षणे आढळून आल्यास त्यांची माहिती तत्काळ नजीकच्या पशुवैद्यकीय दवाखान्यात

अथवा पशुसंवर्धन विभागाच्या टोल फ्री क्रमांकावर (१८००२३३०४१८) अथवा राज्यस्तरीय कॉल सेंटरमधील पशुसेवेचा टोल फ्री १९६२ या क्रमांकावर तत्काळ संपर्क साधण्याचे आवाहन, जिल्हा पशुसंवर्धन अधिकारी डॉ. संजय शिंदे यांनी केले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com