Crop Damage : खरिपात एक लाख चार हजार हेक्टरला फटका

यंदाच्या खरीप हंगामात अतिवृष्टीने जिल्ह्यात धुमाकूळ घातला असून, हंगाम अखेर हे नुकसान तब्बल एक लाख ४ हजार हेक्टरपर्यंत पोहोचले.
 Crop Damage
Crop DamageAgrowon

बुलडाणा : यंदाच्या खरीप हंगामात (Kharif Season) अतिवृष्टीने (Heavy Rainfall) जिल्ह्यात धुमाकूळ घातला असून, हंगाम अखेर हे नुकसान (Crop Damage) तब्बल एक लाख ४ हजार हेक्टरपर्यंत पोहोचले. या हंगामात वीज पडून तब्बल १३ जणांचे बळी गेले. सुमारे ७५ जनावरेसुद्धा दगावल्याचे शिक्कामोर्तब झाले आहे.

गेल्या तीन वर्षांपासून बदललेल्या निसर्गाचा शेतकऱ्यांना सातत्याने फटका बसलेला आहे. यंदाच्या खरीप हंगामातही याची पुनरावृत्ती झाली. सातत्याने झालेल्या सुरुवातीच्या काळातील पावसाने तसेच परतीच्या पावसाने तब्बल एक लाख चार हजार हेक्टरवरील पिकांचे नुकसान केले. यात सोयाबीनचे सर्वाधिक नुकसान झालेले आहे.

 Crop Damage
Crop Damage : मराठवाड्यात २५ टक्के क्षेत्रावरील पिकांचे नुकसान

अतिवृष्टी, पूर, वादळामुळे २०३ कुटुंबाच्या घरांचे नुकसान झाले तर ७५ गुरे दगावली. जिल्ह्यात यंदाच्या हंगामात वार्षिक सरासरीच्या ११४ टक्के पाऊस नोंद झालेला आहे. खरिपामध्ये सुरुवातीला समाधानकारक पाऊस झाल्यामुळे शेतकऱ्यांच्या आशा पल्लवीत झाल्या होत्या. मात्र, नंतरच्या काळात सतत झालेल्या पावसामुळे हातातोंडाशी आलेला घास हिरावला गेला. पिकांचे मोठे नुकसान झाले

 Crop Damage
Crop Damage : हाती पैसा नसल्याने दिवाळी अंधारात

वीज पडून १३ जणांचा बळी

जिल्ह्यात आपत्ती व्यवस्थापन विभागाकडून प्राप्त माहितीनुसार, पावसाळ्यात आतापर्यंत १५ जणांना नैसर्गिक आपत्तीमुळे जीव गमावला आहे. यात १३ जणांचा वीज पडून मृत्यू झाला, तर घराची भिंत पडून एकाला प्राण गमवावे लागले. पुरात वाहून दोघांचा मृत्यू झाला. या मृत व्यक्तींपैकी २४ जणांच्या कुटुंबांना आतापर्यंत शासकीय मदत देण्यात आली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com