Chana Disease : हरभरा पिकावर ‘मर’ रोगाचा प्रादुर्भाव

मराठवाड्यातील आठही जिल्ह्यांत यंदा हरभऱ्याची १३ लाख हेक्टरवर पेरणी झाली. पेरणी झालेल्या क्षेत्रापैकी लातूर कृषी विभागातील लातूर, नांदेड तसेच औरंगाबाद कृषी विभागातील बीड जिल्ह्याच्या काही भागात मर रोगाचा प्रादुर्भाव आढळून आला आहे.
Chana Disease
Chana DiseaseAgrowon

औरंगाबाद : मराठवाड्यातील आठही जिल्ह्यांत यंदा हरभऱ्याची (Chana Cultivation) १३ लाख हेक्टरवर पेरणी झाली. पेरणी झालेल्या क्षेत्रापैकी लातूर कृषी विभागातील (Agriculture Department) लातूर, नांदेड तसेच औरंगाबाद कृषी विभागातील बीड जिल्ह्याच्या काही भागात मर रोगाचा प्रादुर्भाव (Wilt Disease) आढळून आला आहे.

Chana Disease
Chana Pusa JG -16 : हरभऱ्याचे हे वाण दुष्काळ आणि मर रोगाला सहनशील

मराठवाड्यातील आठही जिल्ह्यांत हरभऱ्याचे सर्वसाधारण क्षेत्र १० लाख २२ हजार ९६५ हेक्टर इतके आहे. त्यामध्ये औरंगाबाद कृषी विभागातील २,३६,८४१ हेक्टर तर लातूर कृषी विभागातील ७ लाख ८६ हजार १२४ हेक्टर क्षेत्राचा समावेश आहे. प्रत्यक्षात मराठवाड्यात १३ लाख १४ हजार २१ हेक्‍टरवर हरभऱ्याची पेरणी झाली. त्यामध्ये औरंगाबाद कृषी विभागातील २ लाख ८६ हजार ३२९ हेक्टर तर लातूर कृषी विभागातील १० लाख २७ हजार ६९२ हेक्टर क्षेत्राचा समावेश आहे.

Chana Disease
Chana Market : काबुली हरभरा जोमात; देशी कोमात

दोन्ही विभागांत सर्वसाधारण क्षेत्राच्या पुढे जाऊन पेरणी झाली आहे. पेरणी झालेल्या या हरभऱ्याच्या क्षेत्रामध्ये बीजप्रक्रिया करून पेरणी केलेल्या शेतकऱ्यांच्या शेतावर कमी प्रमाणात तर बीज प्रक्रिया न करता पेरणी केलेल्या शेतकऱ्यांच्या शेतावर जास्त प्रमाणात मरचा प्रादुर्भाव असल्याची माहिती शेतकऱ्यांनी दिली. मध्यंतरी गायब झालेल्या थंडीने व ढगाळ वातावरणामुळे कीड-रोगांनाही आमंत्रण देण्याचे काम केल्याचे शेतकऱ्यांनी सांगितले.

आमच्या शिवारात शेवटच्या टप्प्यातील अति पावसाने ओल हटलीच नाही. त्यामुळे बीजप्रक्रिया केलेल्या शेतात पाच ते दहा टक्क्यांपर्यंत तर बीजप्रक्रिया न केलेल्या शेतात २५ ते ३० टक्क्यांपर्यंत हरभरा पिकात मर आढळून आली आहे.

- रवींद्र देवरवाडे, देवळा, ता. अंबाजोगाई, जि. बीड

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com