Crop Insurance : चार हजारांवर शेतकरी अग्रिम पीकविम्याच्या प्रतिक्षेत

जिल्ह्यातील सुमारे ६९ हजार सोयाबीन उत्पादक शेतकऱ्यांच्या बँक खात्यावर पीकविम्याची अग्रिम रक्कम जमा करण्यात आली आहे.
Crop Insurance
Crop InsuranceAgrowon

परभणी ः जिल्ह्यातील सुमारे ६९ हजार सोयाबीन उत्पादक शेतकऱ्यांच्या (Farmer) बँक खात्यावर पीकविम्याची अग्रिम रक्कम जमा करण्यात आली आहे. परंतु विविध प्रकारच्या त्रुटींमुळे अद्याप सुमारे ४ हजारांवर शेतकऱ्यांच्या बँक खात्यावर रक्कम झालेली नाही. त्रुटीच्या पूर्ततेनंतर उर्वरित शेतकऱ्यांच्या खात्यावर रक्कम जमा होईल, असे विमा कंपनीच्या प्रतिनिधींनी सांगितले.

पंतप्रधान पीकविमा योजनेतील मध्य हंगाम प्रतिकूल परिस्थितीमुळे (मिड सीझन अॅडव्हर्सिटी) झालेले नुकसान या जोखीम बाबींअंतर्गत पावसाच्या खंडामुळे सोयाबीनच्या उत्पादनात ५० टक्क्यांपेक्षा जास्त घट आलेल्या जिल्ह्यातील सहा तालुक्यांतील आठ मंडलांतील ७३ हजार ८१४ शेतकऱ्यांना ४० कोटी एवढा अग्रिम विमा परतावा मंजूर करण्यात आला आहे.

Crop Insurance
Agri University : डॉ. पंजाबराव देशमुख कृषी विद्यापीठाच्या शिवार फेरीला प्रारंभ

या सर्वच मंडलांतील शेतकऱ्यांच्या खात्यावर गेल्या काही दिवसात अग्रिम परताव्याची रक्कम जमा झालेली आहे. परंतु विमा प्रस्ताव दाखल करताना अनेक शेतकऱ्यांचे बँक खाते क्रमांक, आधार क्रमांक चुकीचे नमूद करण्यात आले आहेत. त्यामुळे रक्कम जमा होत नाही. परंतु अनेक शेतकऱ्यांच्या प्रस्तावात कोणत्याही चूक नसतानाही विमा कंपनीकडून रक्कम जमा करण्यात आलेली नाही.

त्यामुळे शेतकरी विमा कंपनीकडे तक्रार करत आहेत.. नेमक्या कोणत्या त्रुटी आहेत हे देखील येत्या काही दिवसांत स्पष्ट होईल, असे विमा कंपनीचे प्रतिनिधी सांगत आहेत. यंदाच्या ऑगस्ट महिन्यात जिल्ह्यातील झरी (ता. परभणी), सिंगणापूर (ता.परभणी), जांब (ता.परभणी), दूधगाव (ता. जिंतूर, रामपुरी (ता. मानवत), सोनपेठ (ता. सोनपेठ), माखणी (ता. गंगाखेड), चुडावा (ता. पूर्णा) या ८ महसूल मंडलात २१ ते २६ दिवस पावसाचा खंड पडला होता.

Crop Insurance
Crop Loan : रब्बी पीककर्जाचे १३.६६ टक्के वाटप

त्यामुळे शासकीय कर्मचारी तसेच विमा कंपनीचे प्रतिनिधी यांनी केलेल्या संयुक्त पाहणीनुसार या मंडलातील सोयाबीनच्या मागील ७ वर्षांतील सरासरी उत्पादकतेच्या तुलनेत यंदाच्या सरासरी उत्पादनात ५२ ते ५७ टक्के घट झाल्याचे आढळून आले.

त्यामुळे या मंडलातील शेतकऱ्यांना पीकविमा योजनेतील प्रतिकूल परिस्थितीमुळे झालेले नुकसान या जोखीम बाबींअंतर्गत संभाव्य विमाभरपाई पैकी २५ टक्के अग्रिम रक्कम एक महिन्याच्या आत देण्याचे निर्देश जिल्हाधिकारी गोयल यांनी आयसीआयसीआय लोम्बार्डं जनरल विमा कंपनीला ९ सप्टेंबर रोजी काढलेल्या अधिसूचनेद्वारे दिले होते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com