उत्‍तर प्रदेशातील (UP) गोरखपुर (Gorakhpur) येथील महायोगी गोरखपुर कृषी विज्ञान केंद्राच्‍या (KVK) वतीने नुकतेच कृषि महोत्‍सवाचे आयोजन करण्‍यात आले होते.
कृषि महोत्‍सवात वसंतराव नाईक मराठवाडा कृषी विद्यापीठातील अखिल भारतीय समन्‍वयीत संशोधन प्रकल्‍पांतर्गत विविध बैलचलीत अवजारे ठेवण्यात आली होती.
हे बैलचलित अवजाराचे दालन शेतकऱ्यांसाठी विशेष आकर्षणाचे केंद्र ठरले. सदर दालनास उत्‍तर प्रदेशचे मुख्‍यमंत्री श्री. योगी आदित्‍यनाथ यांनी भेट देऊन अवजारांची पाहाणी केली.
यावेळी कृषी अभियंता डॉ. स्मिता सोलंकी, डॉ राहुल रामटेके, अजय वाघमारे, जी. बी. आडे, रूपेश काकडे आदींनी मुख्‍यमंत्री यांना विविध अवजारांची माहिती दिली.
यात बैलचलित फवारणी यंत्र, बैलचलित बहुविध पेरणी यंत्र, धसकटे गोळा करण्याचे अवजार, तिहेरी कोळपे, बैलचलित सरी पाडण्याचे यंत्र, ऊसाला माती लावण्याचे अवजार, एक बैलाची अवजारे, बैलचलित सोलर तणनाशक व किटकनाशक फवारणी यंत्र आदींचा समावेश होता.
यावेळी डॉ. स्मिता सोलंकी माहिती देतांना म्‍हणाल्‍या की, सदर यंत्र पर्यावरण पुरक असुन कमी खर्चिक आहे.
कृषी अवजारे विद्यापीठाचे कुलगुरू डॉ. इन्‍द्र मणि यांच्‍या मार्गदर्शनानुसार गोरखापुरे प्रदर्शनात ठेवण्यात आली होती.
परभणी कृषी विद्यापीठ विकसित अनेक यंत्र व तंत्रज्ञान हे देशातील इतर राज्‍यातील शेतकरी बांधवाकरिताही उपयुक्‍त असुन विद्यापीठ विकसित यंत्रे जास्‍तीत जास्‍त शेतकऱ्यांपर्यंत पोह‍चविण्‍याकरिता विविध कंपन्‍यासोबत सामंजस्‍य करार करण्‍याची प्रक्रिया चालु आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
