Farmer Protest : परभणीत शेतकरी संघटनेचे बॅंकेसमोर ठिय्या आंदोलन

परभणी : पंतप्रधान सन्मान निधी (पीएम किसान), (PM Kisan) ठिबक सिंचन योजना, दुष्काळ मदत अनुदान तसेच रोजगार हमी योजनेतील मजुरीची रक्कम शेतकऱ्यांच्या बचत खात्यातून परस्पर कर्जखात्यात वळती करणे बंद करावे, या मागणीसाठी शेतकरी संघटनेतर्फे सोमवारी (ता. २६) येथील इंडियन बँकेच्या (Indian Bank Prbhani) शाखेच्या दारावर रेडा, बैल बांधून बँकेत ठिय्या आंदोलन करण्यात आले.

इंडियन बँकेची जांब (ता. परभणी) येथील परभणी स्थित शाखा तसेच इतर बँका शेतकऱ्यांच्या खात्यावर जमा होणारे पीएम किसान योजनेचे तसेच कृषी विभागाच्या विविध योजनांचे अनुदान, रोजगार हमीच्या कामावरील मजुरीची रक्कम

संबंधित शेतकऱ्यांना कुठली ही पूर्वसूचना न देता परस्पर बचत खात्यातून कर्ज खात्यामध्ये बेकायदेशीरपणे कपात करीत आहेत. शासनाच्या निर्णयानुसार लाभार्थ्यांना मिळणारी रक्कम अनुदान स्वरूपात असो अथवा मदत स्वरूपात असो अशी कोणती ही रक्कम

बँकेला बचत खात्यातून कर्ज खात्यात वर्ग येत नाही. ही बाब संबंधित बँक शाखा व्यवस्थापकांच्या निदर्शनास आणून देखील बँक अधिकारी आडमुठेपणाची भूमिका घेत लाभार्थ्यांना रक्कम देत नसल्यामुळे

शेतकरी संघटनेचे जिल्हाध्यक्ष अमृत शिंदे यांच्या नेतृत्वाखाली हे अनोखे आंदोलन करण्यात आले. यात शेतकरी सहभागी झाले होते.