Sugarcane Cultication : सांगली जिल्ह्यात ४० हजार हेक्टरवर उसाची लागवड

जिल्ह्यात यंदाच्या हंगामातील आडसाली ऊस लागवड सुरू झाली आहे. गेल्या पंधरादिवसांपूर्वी पडलेल्या परतीच्या पावसामुळे ऊस लागवडीचा वेद मंदावला होता.
Sugarcane Cultication
Sugarcane Culticationagrowon

सांगली ः जिल्ह्यात यंदाच्या हंगामातील आडसाली ऊस (sugarcane) लागवड सुरू झाली आहे. गेल्या पंधरादिवसांपूर्वी पडलेल्या परतीच्या पावसामुळे ऊस लागवडीचा वेद मंदावला होता. येत्या आठवड्यापासून ऊस लागवडीस गती येईल. जिल्ह्यात आत्तापर्यंत ४० हजार ५५० हेक्टरवर ऊस लागवड झाली आहे.

जिल्ह्यात गेल्या दोन वर्षांपासून महापुरामुळे आडसाली ऊस लागवडीचे नियोजन बदलले आहे. वास्तविक दोन वर्षांपासून कृष्णा आणि वारणा नदीकाठच्या शेतकऱ्यांनी मे महिन्यापासूनच ऊस लागवड करण्यास प्रारंभ केला. परंतु लागवड झाल्यानंतर महापुराचे पाणी शेतात येते. त्याचा परिणाम ऊस पिकावर होतो.

उसाची वाढ खुंटते. त्यामुळे यंदा महापुराच्या भीतीमुळे शेतकऱ्यांनी ऊस लागवड करण्यासाठी पुढे आले नाहीत. परंतु, नदीकाठचा भाग वगळता इतर भागात लागवड करण्यास सुरुवात शेतकऱ्यांनी केली.

यंदाच्या हंगामात वाळवा तालुक्यात आडसाली उसाची लागवड जास्त झाली आहे. पूर्व हंगामी, सुरू या हंगामातील ऊस लागवड प्रामुख्याने दुष्काळी पट्ट्यात केली जाते. त्यादृष्टीने शेतकरी नियोजन करू लागला आहे. शेतातील पूर्व मशागत पूर्ण झाली आहे.

Sugarcane Cultication
Sugarcane Rate : साताऱ्यातील कारखान्यांनी ऊसदर जाहीर करावेत

आता दर्जेदार बियाणे आणून ऊस लागवड करण्यासाठी पुढाकार घेतला आहे. गेल्या चार महिन्यांपूर्वी जिल्ह्यात २० हजार ८४५ हेक्टरवर ऊस लागवड झाली होती. चार महिन्यांत २० हजार हेक्टरने लागवड वाढली आहे. जिल्ह्यात गेल्या चार ते पाच वर्षांत उसाच्या क्षेत्रात वाढ होताना दिसते आहे. त्यामुळे यंदाही उसाच्या क्षेत्रात वाढ होईल, असा अंदाज आहे.

तालुकानिहाय ऊस लागवड क्षेत्र (क्षेत्र हेक्टरमध्ये)

तालुका क्षेत्र

मिरज ३८०२

जत ३७

खानापूर २८३०

वाळवा २१२९६

तासगाव २७२५

शिराळा ७६०

आटपाडी ३६२

पलूस ३४२०

कडेगाव ५३१५

एकूण ४०५५०

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com