Market Committee : नांदगाव बाजार समितीत शेतकऱ्यांच्या मालाचे हाल

नांदगाव बाजार समितीत शेतकऱ्यांच्या मालाचे हाल
Market Committee
Market CommitteeAgrowon

नांदगाव खंडेश्वर, जि. अमरावती : येथील बाजार समितीला (Market Committee ) आर्थिक उत्पन्नाचा मुख्य स्रोत शेतकऱ्यांकडून (Farmer) उपलब्ध होतो. तरीही नांदगाव बाजार समितीत शेतकऱ्यांच्या मालाची हेळसांड होत आहे. तर व्यापाऱ्यांना मात्र सुविधा पुरविल्या जात असल्याचा आरोप शेतकऱ्यांकडून होत आहे.

दिवाळीच्या सुटीनंतर बाजार समितीमध्ये सोयाबीनची आवक वाढली. परंतु लिलाव ओट्यावर व्यापाऱ्यांचा माल पडून असल्याने शेतकऱ्यांच्या मालाला जागा अपुरी पडत आहे. मालाचे ढेर एकमेकात मिसळले जात आहेत. याच मालावरून अनेक जण ये-जा करीत असल्याने अक्षरशः शेतकऱ्यांच्या मालाचे मातेरे होत असल्याचे वास्तव आहे.

व्यापाऱ्यांनी खरेदी केलेला माल लिलाव ओट्यावर अनेक दिवस पडून राहतो. कधी कधी व्यापाऱ्यांनी खरेदी केलेल्या मालाचे पोते लिलाव ओट्यावर मधोमध पडून राहतात. याचा त्रास शेतकऱ्यांना होत असूनसुद्धा बाजार समितीचे प्रशासन या प्रश्नाकडे डोळेझाक करीत असल्याचा आरोप शेतकऱ्यांचा आहे.

Market Committee
e-crop survey : ई-पीकपाहणी अॅपद्वारे पीक पेऱ्याची नोंद असलेला सातबारा ग्राह्य धरावा

व्यापाऱ्यांवर मेहेरबानी का?

शनिवारी खरेदी केलेल्या मालाची रविवारी दुपारी तीन वाजेपर्यंत उचल झाली नाही, असे दिसून आले. यावरून बाजार समितीचे प्रशासन शेतकऱ्यांना सावत्रपणाची वागणूक देऊन व्यापाऱ्यांवर मेहरबान का ? असा प्रश्न उपस्थित होत आहे. या बाजार समितीमध्ये अनेक वर्षांपासून सचिवपद रिक्त असल्याने येथील कारभार रामभरोसे सुरू आहे. कोणताही प्रशासकीय वचक नाही. तेव्हा येथे शेतकऱ्यांवर नेहमीच अन्याय होत आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com