Diwali Grocery : दिवाळीचा शिधा मिळणार १०० रुपयांत

यंदाच्या दिवाळीत शिधापत्रिकाधारकांना १०० रुपयांत दिवाळी फराळासाठी लागणारा शिधा देण्याचा निर्णय मंत्रिमंडळ बैठकीत घेण्यात आला आहे.
Eknath Shinde
Eknath ShindeAgrowon

मुंबई : यंदाच्या दिवाळीत शिधापत्रिकाधारकांना १०० रुपयांत दिवाळी फराळासाठी (Diwali Faral) लागणारा शिधा (Grocery) देण्याचा निर्णय मंत्रिमंडळ बैठकीत घेण्यात आला आहे. यासाठी ५१३ कोटी २४ लाख रुपयांच्या खर्चास मान्यता देण्यात आली.

सर्वसामान्य कुटुंबातील नागरिकांना दिवाळीसाठी लागणारा शिधा नाममात्र दरात देण्याबाबत मंत्रिमंडळ बैठकीत चर्चा झाली. अन्न व नागरी पुरवठा मंत्रालयाने सादर केलेल्या या प्रस्तावावर चर्चा झाल्यानंतर खर्चास मान्यता देण्यात आली.

Eknath Shinde
Eknath Shinde : मराठवाड्यासाठी भरीव निधी देणार : मुख्यमंत्री शिंदे

शिधापत्रिकाधारकांना देण्यात येणाऱ्या या संचामध्ये प्रती १ किलोच्या परिमाणात रवा, चणाडाळ, साखर व १ लिटर पामतेलाचा समावेश असेल. राज्यातील १ कोटी ७० लाख शिधापत्रिकाधारकांना या निर्णयाचा लाभ होईल.

हा संच एक महिन्याच्या कालावधीकरिता देण्यात येऊन त्याचे वितरण ई-पॉस प्रणालीद्धारे करण्यात येईल. यासाठी ५१३ कोटी २४ लाख रुपयांच्या खर्चास मान्यता देण्यात आली आहे. हा शिधावस्तूंचा संच दिवाळीपूर्वी वाटप व्हावा, अशा सूचना मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी दिल्या.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com