Cold Weather : विदर्भात गारठा वाढण्याची शक्यता

राज्याच्या अनेक भागात असलेल्या ढगाळ हवामानामुळे किमान तापमानात वाढ झाल्याचे दिसून आले. शुक्रवारी (ता. ६) उस्मानाबाद येथे राज्यातील निचांकी १०.३ अंश सेल्सिअस तापमानाची नोंद झाली.
Cold Weather Update
Cold Weather UpdateAgrowon

पुणे : थंडी कमी अधिक होत असतानाच राज्यात दाट धुक्याची (Foggy Weather) चादर पसरली आहे. शुक्रवारी (ता. ६) पहाटेपासूनच अनेक भागात काही अंतरावरील दिसनेही शक्य नव्हते, तसेच सकाळी उशारापर्यंत सूर्य दर्शनही झाले नाही.

बऱ्याच ठिकाणी दिवसभर धुके आणि ढगाळ वातावरण (Cloudy Weather) पहायला मिळाले. आजपासून (ता. ७) विदर्भात किमान तापमानात घट होत गारठा वाढण्याची शक्यता हवामान विभागाने (Weather Department) वर्तविली आहे.

Cold Weather Update
Cold Weather : उत्तर महाराष्ट्र गारठला

राज्याच्या अनेक भागात असलेल्या ढगाळ हवामानामुळे किमान तापमानात वाढ झाल्याचे दिसून आले. शुक्रवारी (ता. ६) उस्मानाबाद येथे राज्यातील निचांकी १०.३ अंश सेल्सिअस तापमानाची नोंद झाली.

उर्वरीत राज्यात बहुतांश ठिकाणी किमान तापमान १५ अंश सेल्सिअसच्या वर गेले होते. आजपासून (ता. ७) विदर्भात तर उद्यापासून (ता. ८) उत्तर महाराष्ट्र मराठवाड्याच्या किमान तापमानात घट होण्याची शक्यता आहे. राज्याच्या कमाल तापमानातही मोठी घट झाली आहे.

Cold Weather Update
Cold Weather : राज्याच्या अनेक भागांत धुक्याची दुलई

उत्तर भारतात थंडीची लाट काहीशी कमी झाली आहे. शुक्रवारी (ता. ६) उत्तर राजस्थानमधील बिकानेर येथे देशाच्या सपाट भूभागावरील नीचांकी शून्य अंश सेल्सिअस तापमानाची नोंद झाली.

आज (ता. ७) राजस्थान, मध्य प्रदेश आणि उत्तर प्रदेशच्या काही भागात थंडीची लाट कायम राहून, उत्तर भारतासह आणि ईशान्येकडील राज्यात दाट धुक्याची स्थिती राहण्याचा अंदाज आहे.

शुक्रवारी (ता. ६) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे २९.६ (१५.४), जळगाव २२.९ (१५.२), धुळे २३.५ (११.०), कोल्हापूर २८.७ (१८.३), महाबळेश्वर २५.३(१३.९), नाशिक २५.७ (१६.२), निफाड २५.५ (१५.५), सांगली २९.२ (१८.४), सातारा ३०.८(१५.०), सोलापूर ३०.७ (१९.८),

सांताक्रूझ ३२.० (२०.४), डहाणू २७.२ (१९.०), रत्नागिरी ३३.० (१९.७), औरंगाबाद २५.८ (१२.४), नांदेड २९.० (१७.२), उस्मानाबाद - (१०.३), परभणी २७.५ (१६.५), अकोला २४.८ (१६.०), अमरावती २१.० (१३.१), बुलढाणा २०.२ (१५.०), ब्रह्मपूरी २५.१ (१५.१), चंद्रपूर २५.२ (१६.२), गडचिरोली २४.२(१६.२), गोंदिया २१.८(११.८), नागपूर १८.६ (१३.७), वर्धा २०.०(१४.२), यवतमाळ २५.० (१३.०).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com