Sandipan Bhumre : कोल्हापुरी बंधाऱ्यांना गेट बसविण्यास प्राधान्य

स्मशानभूमी बांधणे आणि कोल्हापुरी बंधाऱ्यांना गेट बसवणे यासाठी प्राधान्य देण्याचा निर्णय सोमवारी (ता. १७) झालेल्या जिल्हा नियोजन समितीच्या बैठकीत घेण्यात आल्याचे पालकमंत्री संदीपान भुमरे यांनी सांगितले.
Sandipan Bhumre
Sandipan BhumreAgrowon

औरंगाबाद : डीपीअभावी शेतकऱ्यांचे नुकसान (Farmer's Loss) होऊ नये यासाठी डीपी जळाल्यानंतर तातडीने नवीन डीपी (Electric Transformer) बसवणे, ज्या गावात स्मशानभूमी नाही, त्या ठिकाणी स्मशानभूमी बांधणे आणि कोल्हापुरी बंधाऱ्यांना (Kolhapuri Barrage) गेट बसवणे यासाठी प्राधान्य देण्याचा निर्णय सोमवारी (ता. १७) झालेल्या जिल्हा नियोजन समितीच्या बैठकीत घेण्यात आल्याचे पालकमंत्री संदीपान भुमरे (Sandipan Bhumre) यांनी सांगितले.

Sandipan Bhumre
Cashew Crop Insurance : काजूसाठी विमा योजना

श्री. भुमरे म्हणाले, की यापूर्वी जिल्हा नियोजन समितीचे ५०० कोटी रुपयांचे नियोजन करण्यात आले होते. या नियोजनामध्ये कोणताही बदल करण्यात आलेला नाही. रोहित्र बदलण्यासाठी महावितरण कडून ३६ कोटी रुपयांची मागणी करण्यात आली होती. मात्र ४० कोटींची जरी मागणी पडली, तरी आमची देण्याची तयारी असल्याचे, पालकमंत्री श्री. भुमरे यांनी सांगितले.

कोल्हापुर बंधाऱ्यांसाठी प्राधान्य...

कोल्हापुरी बंधाऱ्यांना ३००० गेट नव्हते. या गेटअभावी पाणी वाहून जाते. यामुळे कोल्हापुरी बंधाऱ्यांना तीन हजार गेट बसवण्यासाठी प्राधान्याने निधी दिला जाणार आहे. ज्या ज्या विभागांकडून जशी जशी मागणी तसा निधी देण्याच्या सूचना संबंधित अधिकाऱ्यांना दिलेले आहेत.

निधीसाठी ३१ ऑक्टोबर अखेरपर्यंत सर्व विभागांनी प्रस्ताव देण्याच्या आणि आलेल्या प्रस्तावांना प्रशासकीय मान्यता देण्याच्या संबंधितांना सूचना दिलेल्या आहेत. यापूर्वी जिल्हा नियोजन समितीच्या पाचशे कोटी रुपयांचे नियोजन करण्यात आले होते. या नियोजनामध्ये कोणताही बदल करण्यात आलेला नाही. फक्त शेतकऱ्यांसाठी रोहित्र, स्मशानभूमी बांधकाम कोल्हापुरी बंधाऱ्यांना गेट लावण्याला प्राधान्य देण्यात आलेले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com