Narendra Modi : महाराष्ट्रासाठी दोन लाख कोटींचे प्रकल्प मंजूर

राज्यस्तरीय रोजगार मेळाव्यात पंतप्रधान नरेंद्र मोदी यांची घोषणा
Narendra Modi
Narendra ModiAgrowon


ॲग्रोवन वृत्तसेवा
मुंबई : केंद्र सरकारने महाराष्ट्रासाठी दोन लाख कोटींचे प्रकल्प मंजूर केले आहेत. यातून रोजगाराच्या ( Maharashtra Employment ) नवी संधी निर्माण होतील, असा दावा पंतप्रधान नरेंद्र मोदी (Naredra Modi) यांनी गुरुवारी (ता. ३) केला.

Narendra Modi
केंद्र सरकारकडून खतांसाठी १.१० लाख कोटींचे अतिरिक्त अनुदान

राज्यस्तरीय रोजगार मेळाव्याअंतर्गत कोकण विभागातील पात्र उमेदवारांना नियुक्तीपत्र प्रदान करण्याच्या कार्यक्रमात पंतप्रधान मोदी दूरदृश्य प्रणालीद्वारे बोलताना ही घोषणा केली. यशवंतराव चव्हाण प्रतिष्ठानमध्ये आयोजित कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह विधानसभा अध्यक्ष ॲड. राहुल नार्वेकर, कौशल्य विकास मंत्री मंगलप्रभात लोढा, सार्वजनिक बांधकाम मंत्री रवींद्र चव्हाण, राज्य उत्पादन शुल्क मंत्री शंभूराज देसाई, उद्योग मंत्री उदय सामंत, कृषिमंत्री अब्दुल सत्तार, मुख्य सचिव मनुकुमार श्रीवास्तव आदी उपस्थित होते.

Narendra Modi
पुणे जिल्ह्यात दोन लाख टन खते मंजूर

पंतप्रधान मोदी म्हणाले, ‘महाराष्ट्र शासन रोजगार देण्याच्या संकल्पाकडे एका ध्येयाने मार्गक्रमण करीत आहे. केंद्राने महाराष्ट्रासाठी दोन लाख कोटींचे प्रकल्प मंजूर केले आहेत. यातून रोजगाराच्या नवीन संधी निर्माण होत आहेत. केंद्र शासनाने दहा लाख नोकऱ्या देण्याच्या अभियानाची सुरुवात केली आहे. महाराष्ट्रात गृह आणि ग्रामविकास विभागात मोठ्या प्रमाणात भरती प्रक्रिया राबविली जाणार आहे, ही बाब अभिनंदनीय आहे.

मुख्यमंत्री शिंदे म्हणाले, ‘रोजगार मेळाव्याच्या माध्यमातून नियुक्तीपत्र मिळालेल्या राज्यातील सर्व अधिकारी कर्मचाऱ्यांनी पारदर्शक आणि लोकाभिमुख काम करावे. पंतप्रधान मोदी यांनी अमृतमहोत्सवी वर्षानिमित्त दहा लाख रोजगार उपलब्ध करण्याचे जाहीर केले. राज्यांनीही यास प्रतिसाद देण्याची सूचना त्यांनी केली होती. त्यानुसार प्रतिसाद देणारे महाराष्ट्र हे पहिले राज्य असून येत्या वर्षभरात ७५ हजार नोकरीच्या संधी उपलब्ध होणार आहेत.’

Narendra Modi
मोदी सरकारने शेतीसाठी काय केले ?

उपमुख्यमंत्री देवेंद्र फडणवीस म्हणाले, ‘गेल्या काही वर्षात शासकीय पदभरतीवर काही निर्बंध होते. आता हे निर्बंध शासनाने उठवले असून राज्यातील ७५ हजार तरुण-तरुणींना शासकीय नोकरी मिळणार आहे.’

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com