बुलडाणा : एकात्मिक फलोत्पादन (Horticulture) विकास अभियान आणि राष्ट्रीय कृषी विकास अभियानांतर्गत सामूहिक शेततळे (Farm Pond), वैयक्तिक अस्तरीकरण (Lining) घटकांतर्गत प्लॅस्टिक फिल्म पुरवठा करणाऱ्यांची नोंदणी करण्यात येणार आहे.
यासाठी कृषी विभागाच्या योजनांतर्गत शेततळे अस्तरीकरण व सामूहिक शेततळे घटकांकरिता प्लॅस्टिक फिल्मचा पुरवठा करणाऱ्या वितरक, विक्रेता यांच्याकडून प्रस्ताव आमंत्रित करण्यात आले आहे.
प्लॅस्टिक फिल्मचा पुरवठा करणाऱ्या वितरक, विक्रेत्यांची नोंदणी जिल्हा अधीक्षक कृषी अधिकारी कार्यालयाकडे करावयाची आहे. ज्या उत्पादक कंपन्या राज्य फलोत्पादन आणि औषधी वनस्पती मंडळाकडे राज्यस्तरीय नोंदणी करता पात्र असतील, अशा कंपन्यांची वितरक म्हणून नोंदणी करता येईल.
कार्यालयामार्फत निर्गमित होणारी परिपत्रक आदेश कृतिपत्रक सुधारित सूचनांचा अवलंब करणे अनिवार्य राहील. जिल्हा स्तरावरील वितरण नोंदणी अर्ज फोटोसह प्रपत्र, जिल्हा अधीक्षक कृषी अधिकारी यांच्या नावे दोन लाख रुपयांची बँकेची स्टॅम्प पेपरवरील मूळ गॅरंटी, एक झेरॉक्स प्रत. वितरकांचे १०० रुपयांच्या स्टॅम्प पेपरवर नोंदणीच्या अटींबाबत करारनामा तसेच इतर कागदपत्रांची पूर्तता करावी, असे आवाहन केले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
