टाकळीभान : परतीच्या पावसाने खरीप हंगामातील (Kharif Season) पिकांची दाणादाण (Crop Damage) उडाली. पंचनाम्यांचा (Crop Damage Survey) फार्स करण्यापेक्षा शेतकऱ्यांचा अंत न पाहता तत्काळ आर्थिक मदत (Crop Damage Compensation) त्यांच्या बँक खात्यावर वर्ग करावी, अशी मागणी केली जात आहे.
पावसाने शेतकऱ्यांच्या हाता तोंडाशी आलेला घास हिरावून घेतला गेला आहे. त्यामुळे ऐन दिवाळी सणाला दिवाळे निघाले. शेतकरी रडकुंडीस आला आहे. गोडधोड होणारी दिवाळी भाजी-भाकरीवर साजरी करावी लागली आहे.
नैसर्गिक आपत्तीत शेती पिकांचे नुकसान झाल्यास सरकारने त्यासाठी विमा कवच सुरू केले आहे. त्यामुळे शेतकरी मोठ्या प्रमाणात सरकारने ठरवून दिलेला आर्थिक हिस्सा भरत आहेत. मात्र विमा कंपन्यांकडून शेतकऱ्यांची लूट केली जात आहे.
केवळ पैसा कमविणे हा विमा कंपन्यांचा हेतू असल्याचे स्पष्ट दिसत आहे. अतिवृष्टीचा कोणताही सर्वे न करता विमा कंपन्यांनी शेतकऱ्यांना हजार- पाचशे रुपये खात्यात जमा करून क्रूर चेष्टा केली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
