Ragi : सिंधुदुर्गमध्ये नाचणी लागवड अंतिम टप्प्यात

भात रोप लागवड केल्यानंतर नाचणी रोप लागवडीला सुरुवात केली जाते. परंतु भातरोप लागवडीनतंर काही दिवस पावसाने दडी मारली.
Ragi
RagiAgrowon

सिंधुदुर्गनगरी ः जिल्ह्यात काही दिवस पावसाअभावी (Lac Of Rain) तर काही दिवस अति मुसळधार पावसामुळे (Heavy Rain) खोळंबलेली नाचणी रोप लागवड (Ragi Plantation) आता अंतिम टप्प्यात आहे. सध्या लागवडीयोग्य पाऊस पडत असल्यामुळे पाच-सहा दिवसांत लागवड पूर्ण होण्याची शक्यता आहे.

Ragi
भरडधान्यांचे मल्टिमिलेट लाडू, नाचणी बिस्किटे, नूडल्स

जिल्ह्यात नाचणी लागवडीखालील क्षेत्र दोन हजार हेक्टर आहे. भात रोप लागवड केल्यानंतर नाचणी रोप लागवडीला सुरुवात केली जाते. परंतु भातरोप लागवडीनतंर काही दिवस पावसाने दडी मारली. कडक ऊन असल्यामुळे नाचणी रोप लागवड करणे शेतकऱ्यांनी टाळले.

त्यानंतर एक दोन दिवस नाचणी रोप लागवडीयोग्य पाऊस पडला. परंतु त्यानंतर मुसळधार पावसाला सुरुवात झाली. त्यामुळे नाचणी रोप लागवड करणे शक्य झाले नाही. परंतु गेले पाच-सहा दिवस जिल्ह्यात लागवडीयोग्य पावसाच्या सरी पडत आहेत. त्यामुळे शेतकऱ्यांनी नाचणी लागवड गतीने सुरू केली आहे. सध्या लागवड अंतिम टप्प्यात असून येत्या पाच सहा दिवसांत लागवड पूर्ण होण्याची शक्यता आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com