नांदेड : जिल्ह्यात शुक्रवारी (ता. १४) सायंकाळी जोरदार पाऊस (Heavy Rainfall) झाला. हा पाऊस नायगाव, मुखेड, कंधार, हदगाव, मुदखेड, किनवट, देगलूर, बिलोली, नांदेड, लोहा तालुक्यातील अनेक मंडळात झाला. शनिवारी (ता. १५) सकाळी साडेदहापर्यंत सरासरी १३.५० मिलीमीटर पावसाची (Rain Update) नोंद झाली. या पावसामुळे काढणीला आलेल्या सोयाबीन पिकाचे नुकसान (Soybean Crop Damage) झाले आहे.
जिल्ह्यात मागील आठ दिवसापासून वेगवेगळ्या भागात पाऊस होत आहे. शुक्रवारीही जिल्ह्याच्या अनेक भागात पावसाने हजेरी लावली. हा पाऊस नायगाव, मुखेड, कंधार, हदगाव, मुदखेड, किनवट, देगलूर, बिलोली, नांदेड, लोहा तालुक्यातील अनेक मंडळात जोरदार झाला. या पावसामुळे खरिपातील काढणीला आलेले सोयाबीन पाण्यात गेले. अनेक ठिकाणी शेतकऱ्यांनी सोयाबीन कापून ठेवले होते.
तेही पाण्यात भिजल्याने शेतकऱ्यांचे हाती आलेले पीक वाया जात आहे. हा पाऊस चांडोळा मंडळात ५६.३० मिलीमीटर झाला. तर बरबडा ५४, पेठवडज ५३.५०, बारुळ ५३.५०, रामतीर्थ ४१.५०, हदगाव ४१.३०, बाऱ्हाळी ३६, नरसी ३३.५०, कुंटूर ३१, येवती २९.३०, नायगाव २९.३०, मरखेड २६.८०, दहेली २६.३०, गोळेगाव २४, शेवडी २२.८०, जाहूर २१.३०, आंबुलगा २१.३०, जांब २०.५०, दिग्रस २०.५०, देगलूर २० मिलिमीटर पाऊस नोंदला गेला.
शनिवारी (ता. १५) सकाळी साडेदहापर्यंत सरासरी १३.५० मिलीमीटर पावसाची नोंद झाली. जिल्ह्यात आजपर्यंत ११३४.७० मिलीमीटरनुसार १३३.२४ टक्के पावसाची नोंद झाली आहे. दरम्यान पावसाने नुकसान झालेल्या पिकाबाबत विमा कंपनीला कळविण्याचे आवाहन जिल्हा अधीक्षक कृषी अधिकारी रविशंकर चलवदे यांनी केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.