Weather Update : आज कुठे पडणार पाऊस?

पावसानं आज विदर्भातील अनेक भागांना झोडपलं. वाशिम जिल्ह्यातील मानोरा आणि मंगरुळपीर मंडळांमध्ये प्रत्येकी ५० मिलिमीटर पावसाची नोंद झाली.
Weather Update
Weather UpdateAgrowon

पुणेः राज्यात ठिकठिकाणी आज पाऊस (Rainfall) हजेरी लावतोय. मराठवाडा आणि विदर्भात पावसाचा जोर (Rain Intensity) तुलनेत अधिक आहे. तर हवामान विभागानं (Weather Department) उद्या सकाळपर्यंत राज्यात तुरळक ठिकाणी विजा आणि ढगांच्या गडगडाटासह जोरदार पावसाचा येलो अलर्ट (Heavy Rain Yellow Alert) जारी केलाय. तिकडं माॅन्सूनचा परतीचा प्रवास (Monsoon Return Journey) दोन दिवसांपासून थांबलेला आहे.

Weather Update
Monsoon Update : वायव्य भारतातून मॉन्सून परतला

पावसानं आज विदर्भातील अनेक भागांना झोडपलं. वाशिम जिल्ह्यातील मानोरा आणि मंगरुळपीर मंडळांमध्ये प्रत्येकी ५० मिलिमीटर पावसाची नोंद झाली. तर वाशिम शहर, कारंजा लाड, मालेगाव आणि रिसोड मंडळातही पाऊस झाला.

यवतमाळ जिल्ह्यातील पुसद, अर्णी, दरवा, डिग्रस, घाटंजी आणि उमरखेड मंडळात हलका ते मध्यम स्वरुपाच्या सरी पडल्या. तर गडचिरोली जिल्ह्यातील भामरागड, तिवसा, सिरोंचा, धामनगाव आणि मोर्सी मंडळात पावसानं हजेरी लावली. तसचं वर्धा, नागपूर, चंद्रपूर, भंडारा आणि गोंदीया जिल्ह्यातही ठिकठिकाणी पावसानं हजेरी लावली.

Weather Update
Rain Update : नैताळे परिसरात ढगफुटीसदृश पाऊस

कोकणातील रत्नागिरी आणि सिंधुदुर्ग जिल्ह्यातील काही मंडळांमध्ये हलक्या सरी पडल्या. मध्य महाराष्ट्रातही पाऊस कमी होता. कोल्हापूर, नाशिक, पुणे आणि सातारा तसचं जळगाव जिल्ह्यात काही ठिकाणी हलक्या ते मध्यम स्वरुपाच्या सरी पडल्या.

मराठवाड्यातही अनेक मंडळांमध्ये पावसानं हजेरी लावली. हिंगोली जिल्ह्यातील औंढा नागनाथ, वसमत, कळमनुरी, हिंगोली आणि सेनगाव मंडळात हलका ते मध्यम स्वरुपाचा पाऊस पडला. नांदेड जिल्ह्यातील हिमायतनगर, धर्माबाद, किनवट, कंधार, हाडगाव, नायगाव, मुखेड या मंडळांमध्ये पावसानं हजेरी लावली.

तसचं उस्मानाबाद, परभणी, जालना आणि बीड जिल्ह्यात काही मंडळांमध्ये पावसाचा शिडकावा झाला. हवामान विभागानं उद्या सकाळपर्यंत राज्यात ठिकठिकाणी विजा आणि ढगांच्या गडगडाटासह जोरदार पावसाचा इशारा जारी केलाय. त्याप्रमाण अनेक ठिकाणी आज दुपारनंतर पाऊस सुरु होता.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com