Weather Update : कोकण, मध्य महाराष्ट्र, मराठवाड्यात विजांसह पावसाची शक्यता कायम

मध्य महाराष्ट्रात अनेक ठिकाणी विजा मेघगर्जनेसह मुसळधार पावसाने तडाखा दिला आहे. आज (ता. १९) कोकण, मध्य महाराष्ट्र, मराठवाड्याच्या दक्षिण भागातील जिल्ह्यात विजांसह पावसाचा इशारा कायम आहे.
Weather Update
Weather UpdateAgrowon

पुणे : मध्य महाराष्ट्रात अनेक ठिकाणी विजा मेघगर्जनेसह मुसळधार पावसाने (Heavy Rainfall In Maharashtra) तडाखा दिला आहे. आज (ता. १९) कोकण, मध्य महाराष्ट्र, मराठवाड्याच्या दक्षिण भागातील जिल्ह्यात विजांसह पावसाचा (Rain Forecast With Lightning) इशारा कायम आहे. तर उर्वरित राज्यातही हलक्या सरींची (Rain Forecast) शक्यता आहे.

पूर्व-मध्य अरबी समुद्रामध्ये महाराष्ट्राच्या किनाऱ्यालगत समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती आहे. त्यापासून केरळ किनाऱ्यापर्यंत हवेचा दक्षिणोत्तर कमी दाबाचा पट्टा सक्रिय आहे. नैर्ऋत्य अरबी समुद्रात ३.१ किलोमीटर उंचीवर चक्राकार वाऱ्यांची स्थिती तयार झाली आहे.

Weather Update
Monsoon Update: ईशान्य मॉन्सूनचा जोर कमी होईल

मंगळवारी (ता.१८) सकाळपर्यंतच्या २४ तासांमध्ये मध्य महाराष्ट्र, अनेक ठिकाणी अतिवृष्टी झाली. तर कोकण, मराठवाडा, विदर्भात हलका ते मध्यम पाऊस पडला आहे. आज (ता. १९) कोकण, मध्य महाराष्ट्र, मराठवाड्याचा दक्षिण भागात विजा, मेघगर्जनेसह पावसाचा अंदाज हवामान विभागाने वर्तविला आहे.

Weather Update
Monsoon Update : मॉन्सूनच्या परतीचा प्रवास जैसे थे!

बंगालच्या उपसागरात चक्रीवादळाचे संकेत

बंगालच्या उपसागरात उत्तर अंदमान समुद्रालगत ३.१ किलोमीटर उंचीवर चक्राकार वाऱ्यांची निर्मिती झाली आहे. उद्यापर्यंत (ता २०) या भागात कमी दाबाचे क्षेत्र तयार होण्याची शक्यता आहे. ही प्रणाली वायव्येकडे सरकताना शनिवार पर्यंत (ता. २२) आणखी तीव्र होणार असून, बंगालच्या उपसागरात चक्रीवादळाची निर्मिती होण्याचे संकेत हवामान विभागाने दिले आहेत.

मॉन्सूनच्या माघारीस पोषक हवामान

नैर्ऋत्य मोसमी वाऱ्यांनी (मॉन्सून) परतीच्या प्रवासात शनिवारी (ता. १५) संपूर्ण बिहार, सिक्कीम, मेघालय, मध्य प्रदेशसह आसाम त्रिपुरा पश्चिम बंगालचा काही भाग, छत्तीसगड विदर्भासह महाराष्ट्राचा आणखी काही भागातून माघार घेतली आहे. उद्यापर्यंतच्या (ता. २०) चोवीस तासांत विदर्भ, छत्तीसगड, अंतर्गत महाराष्ट्र, झारखंड ओडिशाच्या काही भागातून मॉन्सून माघार घेण्यास पोषक स्थिती असल्याचे हवामान विभागाने म्हटले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com