Weather Update : पूर्व विदर्भात पाऊस वाढणार

राज्याच्या काही भागांत पावसाच्या सरी सुरूच आहेत. बंगालच्या उपसागरातील कमी दाब प्रणालीच्या प्रभावामुळे आज (ता. २१) पूर्व विदर्भात पावसाचा जोर वाढण्याची शक्यता आहे.
Weather Update
Weather UpdateAgrowon

पुणे : राज्याच्या काही भागांत पावसाच्या (Rainfall) सरी सुरूच आहेत. बंगालच्या उपसागरातील कमी दाब प्रणालीच्या प्रभावामुळे आज (ता. २१) पूर्व विदर्भात पावसाचा जोर (Rain Intensity In Vidarbh) वाढण्याची शक्यता आहे. तर मध्य महाराष्ट्र, मराठवाडा आणि पश्चिम विदर्भात विजा, मेघगर्जनेसह पावसाची शक्यता (Heavy Rain Forecast with Lightning) हवामान विभागाने (Weather Department) वर्तविली आहे.

Weather Update
Rain Update : उत्तर महाराष्ट्र, उत्तर मराठवाड्यात पावसाचा जोर
Weather Update
Heavy Rain : जिल्ह्याच्या पूर्व भागात अतिवृष्टीचा कहर

मॉन्सूनने वायव्य भारतातून परतीचा प्रवास सुरू केला आहे. उत्तर प्रदेशपासून बिहार, झारखंड, पश्चिम बंगाल ते कमी दाब क्षेत्रापर्यंत हवेचा कमी दाबाचा पट्टा सक्रिय आहे. उत्तर प्रदेश आणि परिसरावर चक्राकार वाऱ्यांची स्थिती निवळून गेली आहे. आज (ता. २१) पूर्व विदर्भातील नागपूर, चंद्रपूर, गोंदिया, भंडारा, गडचिरोली जोरदार पावसाचा इशारा (येलो अलर्ट) देण्यात आला आहे. तर मध्य महाराष्ट्र, मराठवाडा आणि पश्चिम विदर्भात विजांसह पावसाची शक्यता आहे.

बंगालच्या उपसागरात कमी दाबाचे क्षेत्र

वायव्य बंगालच्या उपसागरात, उत्तर ओडिशा आणि पश्चिम बंगालच्या किनाऱ्यालगत कमी दाबाचे क्षेत्र सक्रिय आहे. त्याला लागून समुद्र सपाटीपासून ५.८ किलोमीटर उंचीवर चक्राकार वारे वाहत आहेत. वायव्येकडे सरकणारी ही प्रणाली उद्यापर्यंत (ता. २२) उत्तर ओडिशा, उत्तर छत्तीसगडकडे येण्याचे संकेत आहेत.

जोरदार पावसाचा इशारा (येलो अलर्ट) :

नागपूर, चंद्रपूर, गोंदिया, भंडारा, गडचिरोली.

....

विजांसह पावसाचा इशारा (येलो अलर्ट) :

मध्य महाराष्ट्र : नंदूरबार, धुळे, जळगाव, नाशिक, नगर, पुणे, सोलापूर, सांगली.

मराठवाडा : औरंगाबाद, जालना, परभणी, हिंगोली, नांदेड, बीड, लातूर, उस्मानाबाद.

विदर्भ : बुलडाणा, अकोला, अमरावती, वाशीम, यवतमाळ, वर्धा.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com