पणन संचालकपदावरून रसाळ यांना पुन्हा हटविले

राज्याचे पणन संचालकपद विकास रसाळ यांच्यासाठी पुन्हा एकदा औट घटकेचे ठरले आहे.
Agriculture Department
Agriculture DepartmentAgrowon

पुणे : राज्याचे पणन संचालकपद (Marketing Director) विकास रसाळ यांच्यासाठी पुन्हा एकदा औट घटकेचे ठरले आहे. मुख्यमंत्री एकनाथ शिंदे (Eknath Shinde) यांनी विशेष बाब म्हणून करण्यात आलेल्या नियुक्ती रद्द करत, रसाळ यांची पुन्हा त्यांच्या मुळ जागी लोखंड व पोलाद बाजार समितीच्या मुख्य कार्यकारी अधिकारीपदी बदली केली आहे. यामुळे आता नवीन पणन संचालकपदी कोणाची नियुक्ती होते याबाबत उत्सुकता आहे. नवीन नावांमध्ये सुधीर तुंगार आणि ज्ञानदेव मुकणे यांच्या नावांची चर्चा आहे.

Agriculture Department
Cotton Procurement : पणन महासंघाचीही कापूस खरेदीची तयारी

३० नोव्हेंबर रोजी सुनील पवार यांच्या सेवानिवृत्तीनंतर अपर निबंधक विकास रसाळ यांची नियुक्ती करण्यात आली होती. मात्र एका दिवस काम केल्यानंतर त्याच संध्याकाळी गुरुवारी (ता.१) त्यांची नियुक्ती रद्द केल्याचे आदेश मंत्रालयातून धडकले आणि एका दिवसांचे संचालक पद औट घटकेचे ठरले.

Agriculture Department
Agriculture Export : शेतीमालाची निर्यात जलदगतीने करणार : गडकरी

मात्र रसाळ यांनी कोकरे यांच्या नियुक्ती आदेशाला ‘मॅट’मध्ये दाद मागत स्थगिती मिळविली आणि पुन्हा एकदा पणन संचालकांचा पदभार स्वीकारला. मात्र, यानंतर झालेल्या घडामोडींनंतर गुरुवारी (ता.२२) राज्य शासनाने रसाळ यांची बदली त्यांच्या मुळ जागी पोलाद बाजार समितीच्या मुख्य कार्यकारी अधिकारी पदावर केली.

पणन संचालक हे पद सहकार क्षेत्रातील बिगर सनदी अधिकाऱ्यांनंतरचे सर्वात मोठे पद आहे. हे पद अप्पर आयुक्त विशेष निबंधक श्रेणीतील आहे. सुनील पवार सेवानिवृत्त झाल्यानंतर हे पद अपर निबंधक पदश्रेणीत आणून यावर विकास रसाळ यांची नियुक्ती करण्यात आली होती. मात्र राज्य शासनाने त्यांच्याच निर्णयाविरुद्ध निर्णय घेत, रसाळ यांची पुन्हा बदली केली आहे.

मुख्यमंत्री, उपमुख्यमंत्र्यांच्या वादात तिढा कायम

मुख्यमंत्री एकनाथ शिंदे यांच्याकडे पणन खाते होते. अधिवेशना दरम्यान पणन खाते हे शंभुराज देसाई यांच्याकडे आहे, तर भाजपच्या अतुल सावे यांच्याकडे सहकार मंत्रालय आहे. भाजपाच्या मंत्र्यांचे निर्णय उपमुख्यमंत्री देवेंद्र फडणवीस घेत असल्याचे सध्याचे चित्र आहे. मात्र, रसाळ यांची नियुक्ती करताना उपमुख्यमंत्री आणि सहकारमंत्री यांना देखील कल्पना नसल्याचे समजते. यामुळे सरकारमधील विसंवादामुळे पणन संचालकपदाचा तिढा कायम असल्याचे बोलले जात आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com