Soybean Crop : सोयाबीन पिकावर रोटाव्हेटर

रोगराई तसेच ओढवलेल्या अस्मानी संकटामुळे उत्पादन खर्चाच्या तुलनेत सोयाबीनचे अपेक्षित उत्पादन होणार नाही. हे लक्षात येताच शेतकरी सोयाबीन नष्ट करत आहेत.
soybean Crop
soybean CropAgrowon

उजनी, जि. लातूर : रोगराई तसेच ओढवलेल्या अस्मानी संकटामुळे (Heavy Rainfall) उत्पादन खर्चाच्या तुलनेत सोयाबीनचे (Soybean) अपेक्षित उत्पादन होणार नाही. हे लक्षात येताच शेतकरी सोयाबीन नष्ट करत आहेत. प्रशासनाने या नुकसानीचे पंचनामे करून शासन व पीक विमा (Crop Insurance) कंपनीकडे मदतीसाठी पाठपुरावा करण्याची मागणी शेतकऱ्यांनी केली आहे.

soybean Crop
Soybean Rate : सोयाबीन उत्पादन यंदा वाढणार की घटणार? | ॲग्रोवन

परिसरातील शेतकऱ्यांनी निसर्गाशी दोन हात करत तळहाताच्या फोडाप्रमाणे जपलेल्या सोयाबीन पिकाची यंदा अत्यंत वाईट परिस्थिती आहे. बियाणे, खते, पेरणी, आंतरमशागत, फवारण्या आदींसाठी लाखाच्या घरात खर्च केला आहे.

soybean Crop
Crop Insurance : पीक नुकसान कळवूनही विमा कंपन्यांकडून पाहणीच नाही

त्यातच बहुतांश शेतकऱ्यांनी गोगलगायीच्या प्रादुर्भावामुळे दुबार पेरणी केली आहे. परंतु शेतात असलेल्या सोयाबीनला शेंगाच लागल्या नसल्याने शेतकरी मोठ्या अडचणीत सापडले आहेत. खर्च करूनही अपेक्षित उत्पादन निघणार नसल्याची बाब लक्षात आल्यानंतर येथील जवळपास २० शेतकऱ्यांनी सोयाबीनवर रोटाव्हेटर फिरवून पिके नष्ट केली आहेत.

soybean Crop
Cotton Crop Management: कपाशीतील व्यवस्थापन कसे कराल? | ॲग्रोवन

पिकाचा चाऱ्यासाठी वापरअनेक शेतकरी सोयाबीनवर रोटावेटर फिरवत असताना आता काही शेतकऱ्यांनी पिकाला फळधारणा झाली नाही. याच सोयाबीन पिकांमध्ये चरण्यासाठी जनावरे सोडल्याचे चित्र आहे. यंदाचा खरीप शेतकऱ्यांच्या अंगलट असून शेतकऱ्यांवर मोठे आर्थिक संकट ओढवले आहे.

तीन एकरांवर सोयाबीनच्या ३३५ वाणांची पेरणी जुलैमध्ये केली होती. यासाठी माझा ५० हजारांवर खर्च झाला आहे. त्या वेळी बहुतांश पीक गोगलगायीने फस्त केले. त्यानंतर उर्वरित पिकाचे अतिवृष्टीमुळे नुकसान झाले. त्यामुळे पिकांची पूर्ण वाढ झाली नाही. शेंगाची लागणही झाली नाही. त्यामुळे पीक नष्ट करावे लागले.

- सल्लाउद्दीन मुलाणी, शेतकरी, उजनी.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com