Heavy Rain : नाशिक जिल्ह्यात ४८ लाख रुपये मदत निधीचे वाटप

जिल्ह्यात जून ते सप्टेंबर या कालावधीत झालेल्या नुकसानीच्या अनुषंगाने राज्य सरकारने ४८ लाख ४९ हजार रुपये मदत निधीचे वाटप केले.
Rs 48 lakh relief fund allocated in Nashik district
Rs 48 lakh relief fund allocated in Nashik districtAgrowon

नाशिक : जिल्ह्यात जून ते सप्टेंबर या कालावधीत झालेल्या नुकसानीच्या अनुषंगाने राज्य सरकारने ४८ लाख ४९ हजार रुपये मदत निधीचे वाटप केले. राज्यासाठी २८ कोटी मंजूर करण्यात आले आहेत. अतिवृष्टीमध्ये (Heavy Rain) मालमत्तेचे नुकसान झालेल्यांना मदत निधी वितरणाचा निर्णय सरकारने सोमवारी (ता. १९) घेतला. जिल्ह्यासाठी जून, जुलै २०२२ मधील नुकसानीपोटी २५ लाख ४९ हजार, ऑगस्ट-सप्टेंबरसाठी २३ लाख असा एकूण ४८ लाख ४९ हजार रुपयांचा निधी वितरित करण्यात आला.

Rs 48 lakh relief fund allocated in Nashik district
Crop Damage : सिन्नर, इगतपुरीत पावसामुळे पिकांचे नुकसान

सिन्नर येथे झालेल्या अतिवृष्टीनंतर ग्रामविकासमंत्री गिरीश महाजन यांनी घटनास्थळी पाहणी करून तत्काळ पंचनाम्यासह मदतीसाठी शासनस्तरावर यासाठी पाठपुरावा

केला होता. अतिवृष्टीमुळे पूरपरिस्थितीमुळे मालमत्तेच्या नुकसानीसाठी राज्य आपत्ती प्रतिसाद निधीच्या दरानुसार निधी वितरित करण्यात आला आहे. नंतर जून ते ऑक्टोबर २०२२ या कालावधीत झालेल्या व होणाऱ्या मालमत्तेच्या नुकसानीकरिता शासन ११ ऑगस्ट २०२१ अन्वये विहित करण्यात आलेल्या मदतीच्या वाढीव दराने मदत अनुज्ञेय करण्यात आल्याने वाढीव दराने मदत देणे आवश्यक आहे. तसेच ऑगस्ट ते सप्टेंबर २०२२ या कालावधीत झालेल्या मालमत्तेच्या नुकसानीचे प्रस्ताव संबंधित विभागीय आयुक्तांकडून प्राप्त झाल्यानुसार देण्यात आलेल्या निधीमध्ये वाढीव दराने व ऑगस्ट ते सप्टेंबर २०२२ या कालावधीतसाठी झालेल्या मालमत्तेच्या नुकसानीकरिता मदत निधी वितरित करण्याची बाब शासनाच्या विचाराधीन होती.

Rs 48 lakh relief fund allocated in Nashik district
Lumpy Skin : सिन्नर तालुक्यात दोन गावांत ‘लम्पी स्कीन’चा प्रादुर्भाव

यात मृत जनावरांसाठी मदत, पूर्णतः नष्ट, अंशतः पडझड झालेली कच्ची, पक्की घरे, झोपडी, गोठे यांसारख्या नुकसानीसाठी मदत व इतर अनुज्ञेय असलेला बाबींच्या नुकसानीकरिता बाधितांना वाढीव दराने मदतीचे वाटप करण्याकरिता या शासन निर्णयान्वये ७ कोटी २४ लाख ६६ हजार आणि ऑगस्ट ते सप्टेंबर २०२२ या कालावधीत मालमत्तेच्या नुकसानीकरिता २० कोटी ६९ लाख१८ हजार असा एकूण २७ लाख ८४ हजार रुपये इतका निधी यांच्यामार्फत विभागीय आयुक्त राज्यातील विविध अतिवृष्टिग्रस्त संबंधित जिल्ह्यांना वितरित करण्यास शासनाने मंजुरी दिली आहे.

मंजूर निधीत पडझड झाली आहे किंवा ज्या घरांत, दुकानांत सामानाची नासधूस झाली आहे त्यांचा समावेश आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com