परभणी ः यंदाच्या (२०२२-२३) रब्बी हंगामात (Rabi Season) वसंतराव नाईक मराठवाडा कृषी विद्यापीठाने (VNMK) उत्पादित केलेल्या हरभरा (Chana), ज्वारी (Jowar), करडई, गहू या पिकांच्या मिळून एकूण ३६२.६० क्विंटल बियाण्याची (Seed) विक्री झाली आहे.
परभणी कृषी विद्यापीठ अंतर्गत विविध ठिकाणच्या प्रेक्षेत्रावर उत्पादित रब्बी हंगामातील हरभरा, ज्वारी, करडई, गहू, जवस या पिकांचे बियाणे मराठवाड्यातील आठ जिल्ह्यातील शेतकऱ्यांसाठी विविध ठिकाणी उपलब्ध करून देण्यात आले होते. हरभरा च्या एकूण ८५.९० क्विंटल बियाण्याची विक्री झाली.
त्यात फुले विक्रम वाणाचे ४८.४० क्विंटल, बीडीएनजीके-७९८ या वाणाचे ४.८० क्विंटल, बीडीएनजी -७९७ वाणाचे ३२.७० क्विंटल बियाण्याचा समावेश आहे. ज्वारीच्या ३९.९२ क्विंटल बियाण्याची विक्री झाली. त्यात सीएसव्ही १८ वाणाचे १.९६ क्विंटल, एसपीव्ही १४११ वाणाचे १३.९६ क्विंटल, एसपीव्ही २४०७ वाणाचे २४ क्विंटल बियाणे आहे.
करडईच्या ११२.८३ क्विंटल बियाण्याची विक्री झाली. त्यात पीबीएऩएस ८६ वाणाचे ७८.६४ क्विंटल, पीबीएनस १२ वाणाचे ३३.९४ क्विंटल, पीबीएनएस ४० वाणाचे ४५ किलो बियाणे आहे. गव्हाच्या १०९.६० क्विंटल बियाण्याची विक्री झाली.
त्यात एनआयएडब्लू ३०१ या वाणाचे ४३.६० क्विंटल, एनआयएडब्ल्यू १९९४ वाणाचे ६५.६० क्विंटल, एनआयएडब्लू १४१५ या वाणाचे ४० किलो बियाणे आहे. जवसाच्या एलएसएल ९३ वाणाच्या १४.३५ क्विंटल बियाण्याची विक्री झाली.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
