परभणी ः यावर्षीच्या (२०२२) खरीप पिकांच्या हंगामी (Kharip Season) (नजर) पैसेवारी जिल्हा प्रशासनातर्फे (Parbhani District)शुक्रवारी (ता. ३०) जाहीर करण्यात आली. परभणी जिल्ह्यातील गंगाखेड तालुक्यातील ६२ आणि पूर्णा तालुक्यातील (Purna Village) ४६ मिळून एकूण १०८ गावांची हंगामी (नजर) पैसेवारी ५० पेक्षा कमी आली आहे.
उर्वरित ७२८ गावांची पैसेवारी ५० पैसे पेक्षा आली आहे. यंदा खरीप पिकांची हंगामी पैसेवारी परभणी जिल्ह्याची सरासरी ५३.६६ पैसे तर हिंगोली जिल्ह्याची सरासरी ५४.५२ पैसे आली आहे.परभणी जिल्ह्यातील ८३६ गावामध्ये लागवडीयोग्य क्षेत्र ५ लाख ६० हजार ८१५ हेक्टर आहे. यंदाच्या (२०२२) खरिपात ५ लाख २२ हजार ४५५ हेक्टरवर पेरणी झाली आहे.
एकूण ३८ हजार ३५९ हेक्टर क्षेत्र पडीक आहे. सर्व गावांची खरीप पिकांची हंगामी (नजर) पैसेवारी जाहीर करण्यात आली आहे. गंगाखेड तालुक्यातील १०५ पैकी ६२ गावांची पैसेवारी ५० पैसेपेक्षा कमी तर ४३ गावांची पैसेवारी ५० पैसेपेक्षा जास्त आहे.
पूर्णा तालुक्यातील ९४ पैकी ४६ गावांची पैसेवारी ५० पैसेपेक्षा कमी तर ४८ गावांची पैसेवारी ५० पैसेपेक्षा जास्त आली आहे. हिंगोली जिल्ह्यातील ७०७ गावांमधील लागवडीयोग्य ३ लाख ९८ हजार ४२६ पैकी यंदाच्या (२०२२) खरीप हंगामात ३ लाख ७६ हजार ७९७ हेक्टरवर पेरणी झाली.
यंदा एकूण ७ हजार ७२९ हेक्टर क्षेत्र पडीक राहिले. शुक्रवारी (ता. ३) जिल्हा प्रशासनातर्फे खरीप पिकांची हंगामी पैसेवारी जाहीर करण्यात आली. जिल्ह्याची सरासरी पैसेवारी ५४.५२ आली आहे.
परभणी, हिंगोली जिल्ह्यात यंदा अतिवृष्टी तसेच पावसाच्या खंडामुळे नुकसान झाल्यामुळे सर्वच खरीप पिकांच्या उत्पादनात घट येत आहे. ३१ ऑक्टोंबर रोजी सुधारित हंगामी पैसेवारी तर १५ डिसेंबर रोजी अंतिम हंगामी पैसेवारी जाहीर होईल. त्यानंतर ५० पेक्षा कमी पैसेवारी आलेल्या गावात दुष्काळी स्थितीवर शिक्कामोर्तब होईल असे सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
