Weather Update : उत्तर महाराष्ट्राला हुडहुडी

उत्तरेकडील थंड वाऱ्यांनी राज्यावर स्वारी केल्याने राज्यात गारठा वाढला आहे. तापमानात मोठी घट झाल्याने उत्तर खानदेशाला हुडहुडी भरली आहे.
Weather Update
Weather UpdateAgrowon

पुणे : उत्तरेकडील थंड वाऱ्यांनी (Cold Wind) राज्यावर स्वारी केल्याने राज्यात गारठा (Cold Weather) वाढला आहे. तापमानात मोठी घट झाल्याने उत्तर खानदेशाला हुडहुडी भरली आहे. मध्य महाराष्ट्र आणि मराठवाड्यात पारा १० अंशांखाली आल्याने थंडी वाढली आहे. धुळे, निफाडसह जळगाव, पुणे, यवतमाळ येथे थंडीची लाट (Cold Wave) आली आहे.

Weather Update
Weather Update : उत्तर महाराष्ट्र गारठला

उत्तरेकडील राज्यांमध्ये थंडी वाढतच असून, मध्य प्रदेशातील खजुराहो येथे रविवारी (ता. २०) सकाळपर्यंतच्या २४ तासांमध्ये देशाच्या सपाट भूभागावरील सर्वांत नीचांकी ६.५ अंश सेल्सिअस तापमानाची नोंद झाली. उत्तर महाराष्ट्रात धुळे येथील कृषी महाविद्यालयात राज्याचे यंदाच्या हंगामातील नीचांकी ७ अंश, तर निफाड येथील गहू संशोधन केंद्रात ७.४ अंश सेल्सिअस तापमानाची नोंद झाली.

Weather Update
Weather Update : कमाल अन् किमान तापमानात घसरण

धुळे आणि निफाडसह, जळगाव, पुणे आणि यवतमाळ येथे किमान तापमानाचा पारा १० अंश किंवा त्यापेक्षा अधिक घसरला असून, किमान तापमानात ४.५ अंशांपेक्षा अधिक घट झाल्याने थंडीची लाट आली आहे. परभणी येथील वसंतराव नाईक मराठवाडा कृषी विद्यापीठाच्या आवारातही किमान तापमान ८.३ अंश सेल्सिअस तापमानाची नोंद झाली. राज्यात अनेक ठिकाणी दिवसाही गारठा जाणवत होता. आज (ता. २१) अमरावती, यवतमाळ जिल्ह्यात थंडीची लाट येण्याची शक्यता हवामान विभागाने वर्तविली आहे.

कमी दाब क्षेत्राची तीव्रता वाढली

बंगालच्या उपसागरातील कमी दाबाचे क्षेत्राची तीव्रता वाढली आहे. ही तीव्र कमी दाब प्रणाली (डिप्रेशन) कराईकलपासून ६३० किलोमीटर पूर्वेकडे तर चन्नईपासून ६७० किलोमीटर आग्नेयेकडे होती. वायेव्यकडे सरकणारी ही प्रणाली उद्यापर्यंत (ता. २२) तमिळनाडू, आंध्र प्रदेशच्या किनाऱ्याला धडकण्याची शक्यता आहे.

रविवारी (ता. २०) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) : पुणे २८.१ (९.७), जळगाव ३०.० (८.५), धुळे २९.० (७), कोल्हापूर २९.६ (१५.२), महाबळेश्वर २४.१(१०.६), मालेगाव - (१८), नाशिक २७.९ (९.८), निफाड २९.४ (७.४), सांगली ३०.२(१३.३), सातारा २८.१(१२.६), सोलापूर ३१ (१४.६), सांताक्रूझ ३३.३(१९.८), डहाणू ३१.८ (१७), रत्नागिरी ३३.४ (१९.७), औरंगाबाद २८.५ (११.१), नांदेड २९.२ (१४.४), परभणी - (११.५), अकोला ३०.८ (१२.८), अमरावती ३० (११.७), बुलडाणा २८.६ (१३), ब्रह्मपुरी २९.८ (१३.१), चंद्रपूर २८ (१३.२), गडचिरोली २८(१२.६), गोंदिया २८.२(१०.४), नागपूर २८.७ (११.४), वर्धा २८ (१२.४), वाशीम - (१३), यवतमाळ २९.५ (१०).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com