Rain : धरण क्षेत्रांत पावसाची काहीशी विश्रांती

आठवडाभरापासून पावसाचा जोर कमी झाला आहे. धरणांच्या पाणलोट क्षेत्रात पावसाने काहीशी विश्रांती घेतली असली तरी काही ठिकाणी पावसाच्या तुरळक सरी बरसत आहेत.
Rain
Rain Agrown

पुणे : जिल्ह्यात आठवडाभरापासून पावसाचा जोर (Rain Intensity) कमी झाला आहे. धरणांच्या पाणलोट क्षेत्रात (Dam Catchment Area) पावसाने काहीशी विश्रांती घेतली असली तरी काही ठिकाणी पावसाच्या तुरळक सरी बरसत आहेत. शुक्रवारी (ता.२२) सकाळी आठ वाजपर्यंतच्या चोवीस तासांमध्ये पवना धरणांच्या (Pawana Dam) पाणलोट क्षेत्रात १९ मिलिमीटर पाऊस पडल्याची नोंद जलसंपदा विभागाकडे (Department Of Water Resources) झाली आहे.

Rain
Rain Update : धरणक्षेत्रात हलका ते मध्यम स्वरूपाचा पाऊस

पावसाने उघडीप दिल्याने धरणांतील आवकेतही काही प्रमाणात घट झाली आहे. तरीही भीमा खोऱ्यातील २६ धरणांमध्ये ४.६० टीएमसी एवढी पाणीसाठा नव्याने दाखल आहे. धरणांत १३७.४१ टीएमसी एवढा पाणीसाठा झाला आहे. त्यामुळे पुणे शहरांना होणारा पाणीपुरवठा व शेतीसाठी लागणाऱ्या पाण्याची काही प्रमाणात चिंता कमी झाली आहे. पावसाचा जोर ओसरल्याने भात पिकांच्या लागवडी वेगाने सुरू झाल्या आहेत. काही ठिकाणी लागवडी पूर्ण झाल्या असून पिके वाढीच्या अवस्थेत आहेत.

Rain
Heavy Rain : अकोले तालुक्यात मुसळधार पाऊस सुरूच

पूर्व भागातील शिरूर, खेड, दौड, इंदापूर, बारामती, पुरंदर भागांतही अधूनमधून ऊन पडत आहे. काही वेळा ढगाळ वातावरणाची स्थिती तयार होत आहे. त्यामुळे सोयाबीन, बाजरी, तूर, मूग, उडीद पिकांना दिलासा मिळत असल्याने वाफसा स्थिती आहे.

जिल्ह्यात शुक्रवारीही (ता.२२) दिवसभर ढगाळ वातावरण होते. तर अधूनमधून पावसाच्या तुरळक सरी पडत होत्या. नीरा देवघर धरणाच्या पाणलोट क्षेत्रात १६ मिलिमीटर पाऊस पडला. तर टेमघर आणि वडिवळे धरणांच्या पाणलोट क्षेत्रात १० मिलिमीटर पाऊस पडला. तर वरसगाव, पानशेत, कासारसाई, कळमोडी, भामा आसखेड, आंध्रा, शेटफळ, भाटघर, पिंपळगाव जोगे, माणिकडोह, वडज, चिल्हेवाडी या धरण क्षेत्रांत पावसाचा शिडकावा झाला. तर खडकवासला, चासकमान, नाझरे, वीर, येडगाव, डिंभे, घोड, उजनी, विसापूर या धरण क्षेत्रात पाऊस न पडल्याची नोंद झाली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com