Rain Update : नांदेड जिल्ह्यात तुरळक पाऊस

जिल्ह्यात मागील वीस दिवसापासून पावसाने दडी मारल्यामुळे खरिपातील सोयाबीन व कपाशी पिकांना फटका बसला आहे.
Rain Update
Rain UpdateAgrowon

नांदेड : जिल्ह्यात मागील वीस दिवसापासून पावसाने (Nanded Rain Update) दडी मारल्यामुळे खरिपातील सोयाबीन (Kharif Soybean) व कपाशी (Cotton) पिकांना फटका (Crop Damage) बसला आहे. कडक उन्हामुळे पिके वाळत (Crop Dried Due To Heat) असल्याने आता दमदार पावसाची (Heavy Rainfall) गरज असताना मागील दोन दिवसापासून जिल्ह्यात तुरळक पाऊस झाला आहे. रविवारी किनवट मध्ये बऱ्यापैकी झालेला पाऊस सोमवारी मात्र काहीसा मंदावला.

Rain Update
Rain Forecast : राज्यात हलक्या पावसाची शक्यता

जिल्ह्यात जुलैमध्ये झालेल्या अतिवृष्टीमुळे खरिपातील सहा लाख हेक्टरवरील पिकांचे नुकसान झाले होते. यात सात लाखांपेक्षा अधिक शेतकऱ्यांना फटका बसल्याने जिल्हा प्रशासनाने ७१८ कोटी रुपयांची मागणी शासनाकडे केली आहे. दरम्यान अतिवृष्टीतून काही प्रमाणात शिल्लक असलेली पिकं मागील काही दिवसापासून पावसाने उघडीप दिल्याने वाळत आहेत.

Rain Update
Rain Update : राज्यातील धरणांत ८४ टक्के पाणीसाठा

जिल्ह्यात शनिवारी काही भागात पावसाने हजेरी लावली. यात किनवट तालुक्यातील मांडवा मंडळात ७४.८० तर उमरी बाजार मंडळात ७४.८० मिलिमीटर पाऊस झाल्याने या मंडळात अतिवृृष्टीची नोंद झाली. यासोबतच किनवट मंडळात ४६.८०, माहूर मंडळात ४५.६०, सिंदखेडमध्ये ४५.५०, दहेली ४३.३०, सिंदगी ४०.३०, विष्णुपुरी ४० मिलिमीटर पाऊस झाला. रविवारी सकाळपर्यंत जिल्ह्यात सरासरी ११.८० मिलिमीटर पावसाची नोंद झाली. यानंतर दुसऱ्या दिवशी पावसाचा जोर मंदावला.

या दिवशी कुरुळा २९.५०, जाहूर २९.५०, कापसी २५.५०, तळणी ११.३०, माळाकोळी १६.५० व जांब मंडळात १४.३० मिलीमीटर पावसाची नोंद झाली. जिल्ह्यात आजपर्यंत सरासरी ८८०.७० मिलीमीटरनुसार १३०.४९ टक्के पावसाची नोंद झाली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com