Sugar Factory : ‘श्रीलक्ष्मी नृसिंह शुगर्स’च्या गाळप हंगामास प्रारंभ

परभणी : जिल्ह्यातील आमडापूर (ता. परभणी) येथील श्री. लक्ष्मी नृसिंह शुगर्सच्या पाचव्या गळीत हंगामाचा (Sugar Factory) प्रारंभ रविवारी (ता. ६) कारखान्याचे ज्येष्ठ मार्गदर्शक राजेंद्र नागवडे यांच्या हस्ते गव्हाण पूजन व मोळी पूजन करून करण्यात आला.

यावेळी ॲड नची जाधव, शांताराम अण्णा धनकवडे, संचालक संजय धनकवडे, संचालक प्रमोद जाधव यांच्या हस्ते मोळी टाकण्यात आली. यावेळी सरव्यवस्थापक अशोक थोरात, मुख्य अभियंता संजय पांगरकर आदी उपस्थित होते.

यावेळी ॲड. जाधव म्हणाले, की यावर्षी कारखाना प्रशासनाने या वर्षी ८ ते ९ लाख टन ऊस गाळपाचे उदिष्ट ठेवलेले आहे.लवकर ऊस गाळप व्हावे म्हणून दैनिक गाळपाची क्षमता पाच हजार टन केली आहे. आसवणी प्रकल्प लवकरच कार्यान्वित होणार आहे.

शेतकऱ्याना प्रथम उचल दोन हजार रुपये प्रमाणे देऊन एफआरपीनुसार ऊसाला दर देण्यात येईल तरी परिसरातील सर्व ऊस उत्पादकांनी आपला ऊस प्रोग्रामनुसार या कारखान्यास गाळपास द्यावा, असे आवाहन केले आहे.यावेळी कारखान्याचे शेतकी अधिकारी, कृषी सहाय्यक,कृषी पर्यवेक्षक,कर्मचारी,कामगार,परिसरातील शेतकरी मोठ्या संख्येने उपस्थित होते.