Ethanol Production : इथेनॉल निर्मितीसाठी साखर कारखान्यांनी पुढे यावे

इथेनॉल हे भविष्यातील इंधन आहे. साखर कारखान्यांनी उसाच्या रसापासून थेट इथेनॉल निर्मितीसाठी पुढे यावे, असे आवाहन केंद्रीय रस्ते वाहतूक व महामार्ग मंत्री नितीन गडकरी यांनी केले.
Ethanol Production
Ethanol ProductionAgrowon

आष्टा, जि. सांगली ः इथेनॉल हे भविष्यातील इंधन (Ethanol) आहे. साखर कारखान्यांनी उसाच्या रसापासून थेट इथेनॉल निर्मितीसाठी (Ethanol Production) पुढे यावे, असे आवाहन केंद्रीय रस्ते वाहतूक व महामार्ग मंत्री नितीन गडकरी (Nitin Gadkari) यांनी केले.

Ethanol Production
Ethanol GST : जीएसटी कपातीचा इथेनॉल निर्मितीला फायदा

आष्टा येथे पेठ सांगली हा ४१.२५ किलोमीथरचा मार्ग आहे. त्यासाठी ८६० कोटी रुपयांची तरतूद करण्यात आली आहे. या राष्ट्रीय महामार्गाचे भूमिपूजन, कोनशीला अनावरण मंत्री नितीन गडकरी यांच्या हस्ते व पालकमंत्री डॉ. सुरेश खाडे, खासदार धैर्यशील माने, संजय पाटील, आमदार जयंत पाटील, सुधीर गाडगीळ, विश्वजित कदम, विक्रम सावंत, मानसिंग नाईक, सुमन पाटील, गोपीचंद पडळकर, जिल्हाधिकारी राजा दयानिधी यांच्या उपस्थितीत झाले.

Ethanol Production
Ethanol : खराब धान्यावर आधारित इथेनॉलच्या खरेदी दरात वाढ होण्याची शक्यता

नितीन गडकरी म्हणाले, की पश्चिम महाराष्ट्रात साखर कारखान्यांचे जाळे मोठे आहे. केवळ साखर उत्पादन करून आता चालणार नाही. उसाच्या रसापासून इथेनॉल निर्मितीवर भर देताना हायड्रोजन निर्मितीसाठी कारखान्यांनी पुढे आले पाहिजे.

इथेनॉल, हायड्रोजन निर्मितीसाठी उसाच्या रसाची साठवणूक करून त्यावर वर्षभर प्रक्रिया करता येईल. केंद्र सरकार आता उस तोडणी यंत्रासाठी तीस लाख रुपयांचे अनुदान देणार आहे.

जैविक इंधन निर्मितीसाठी सरकारने हा पूरक निर्णय घेतला आहे. शिवाय तोडणी यंत्र हायड्रोजनवर कसे चालेल, याचाही अभ्यास सुरू आहे.

ते म्हणाले, की पश्चिम महाराष्ट्रात मोठ्या प्रमाणात पडीक, नापीक जमीन आहे. या जमिनीत विविध प्रकल्पांची उभारणी झाली तर या भागातील रस्त्यांचा फायदा मोठ्या प्रमाणात होईल.

हायड्रोजन निर्मितीसाठी शेतकऱ्यांनीही वैयक्तिक पातळीवर पुढे आले तर तोही उत्पन्नाचा चांगला मार्ग होऊ शकतो.

पालकमंत्री सुरेश खाडे म्हणाले, की जिल्ह्यातील सर्वांनी या रस्त्यासाठी प्रयत्न केले. गडकरी यांनी सांगली जिल्ह्याला भरभरून निधी दिला आहे. खासदार धैर्यशील माने, खासदार संजय पाटील, आमदार जयंत पाटील यांची भाषणे झाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com