Fertilizers News: अखेर १०.२६.२६ खत दाखल

युरिया जिल्ह्यात मुबलक आहे. फक्त पोटॅशबाबत रावेर, यावल आदी भागांत मागणी आहे. परंतु काही शेतकरी ही समस्या लक्षात घेऊन विद्राव्य खतांच्या मदतीने ही टंचाई दूर करीत आहेत.
 fertilizers
fertilizersAgrowon

जळगाव ः जिल्ह्यात १०.२६.२६ खताची टंचाई (Fertilizer Shortage) दूर होत असून, नुकताच एक रेक म्हणजेच सुमारे २२०० टन खत (Fertilizer) दाखल झाले आहे. यातच शेतकऱ्यांनी एकाच कंपनीच्या कुठल्याही खताचा आग्रह करू नये, त्यामुळे अडचणी येतात, असे आवाहनही केले आहे.

 fertilizers
Fertilizer Linking : खतांची लिंकिंग केल्यास कायमस्वरूपी परवाने निलंबित

जिल्ह्यात रब्बीच्या सुरुवातीलाच १०.२६.२६, पोटॅश या खतांचा तुटवडा होता. तसेच डीएपीदेखील अनेकांना मिळत नव्हते. याबाबत शेतकरी नाराजी व्यक्त करीत होते. या तक्रारी लक्षात घेता कृषी विभागाने खतांबाबत पाठपुरावा केला.

यानुसार मागील काही दिवसांत १०.२६.२६ या खताचा पुरवठा वेगात झाला आहे. वरिष्ठ कार्यालयाने देखील या समस्येची दखल घेऊन कार्यवाही केली असून, नुकताच २२०० टन १०.२६.२६चा पुरवठा झाला आहे. त्याचे वितरण लागलीच खते विक्रेत्यांकडे झाले असून, त्याच्या विक्रीबाबत कृषी विभागाचे निरीक्षण सुरू आहे.

 fertilizers
Fertilizer Companies : खत कंपन्यांनी विक्रेत्यांचे ९०० कोटी रुपये थकविले

आणखी २८०० टन १०.२६.२६ खत लवकरच दाखल होणार आहे. यामुळे रब्बी हंगामातील खतटंचाई दूर होईल. युरिया जिल्ह्यात मुबलक आहे. फक्त पोटॅशबाबत रावेर, यावल आदी भागांत मागणी आहे.

परंतु काही शेतकरी ही समस्या लक्षात घेऊन विद्राव्य खतांच्या मदतीने ही टंचाई दूर करीत आहेत. ड्रीपमधून विविध खते देत आहेत. त्यासाठी काहीसा अधिकचा खर्च येत आहे. परंतु खतांअभावी बागांवर परिणाम व्हायला नको, असा मुद्दा शेतकरी उपस्थित करीत आहेत.

तसेच सध्या इतर खते मात्र मुबलक प्रमाणात उपलब्ध आहेत. त्यात सुपर फॉस्फेट पुरेसे आहे. लाल रंगाचे पोटॅशही आहे. परंतु शेतकरी त्याची उचल करीत नाहीत. विशिष्ट कंपन्यांचेच किंवा आयातीत पांढऱ्या रंगाचे पोटॅशची मागणी करतात.

तसेच १०.२६.२६ च्या देखील एकाच कंपनीच्या खताला उठाव असतो. हा आग्रह सोडून सर्व कंपन्यांच्या खतांचा उपयोग करायला हवा, असे जिल्हा परिषदेच्या कृषी विभागाने म्हटले आहे.

खतांची टंचाई नव्हती. शेतकरी एकाच कंपनीच्या खताची मागणी करतात. यामुळे समस्या असते. परंतु १०.२६.२६ची मागणी लक्षात घेता त्याचा वेगवान पुरवठा जिल्ह्यात झाला असून, कुठेही टंचाई नाही.

- वैभव शिंदे, कृषी विकास अधिकारी, जिल्हा परिषद, जळगाव

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com