Nagpur - Goa Expressway : नागपूर - गोवा द्रुतगती महामार्गावर सर्व तीर्थक्षेत्रे घ्या

अकलूज : प्रस्तावित नागपूर ते गोवा द्रुतगती महामार्ग (Nagpur - Goa Expressway) नागपूरहुन अधिकाधिक अविकसित भागातून व तिर्थक्षेत्रांच्या मार्गे  गोव्यापर्यंत करावा अशी मागणी आमदार रणजितसिंह मोहिते-पाटील (Ranjeetsingh Mohitepatil) यांनी उपमुख्यमंत्री देवेंद्र फडणवीस (Devendra Fadanvis) यांच्याकडे केली आहे. दरम्यान या मागणीवर उपमुख्यमंत्री देवेंद्र फडणवीस यांनी हिरवा कंदील दाखवला आहे.

महाराष्ट्रातील अविकसित भागाचा व तीर्थक्षेत्र असलेल्या ठिकाणांच्या विकासासाठी ही तीर्थक्षेत्रे महामार्गाच्या प्रवासात समाविष्ट करण्यासंदर्भात उपमुख्यमंत्री फडणवीस यांना लेखी निवेदन दिले असून या निवेदनात मोहिते-पाटील यांनी सध्याचा नागपूर ते गोवा हा मार्ग वर्धा - यवतमाळ - नांदेड - लातूर - सोलापूर - मिरज - कोल्हापूर-पणजी असा असून हा ९९० किलोमीटर लांबीचा पल्ला आहे‌.   या महामार्गात सर्व तिर्थक्षेत्रे समाविष्ट करणे गरजेचे असल्याचे निदर्शनास आणून दिले आहे.

प्रवासाचा पल्ला होऊ शकतो कमी
आमदार रणजितसिंह मोहिते-पाटील यांनी तीर्थक्षेत्र माहूर (रेणुकामाता देवी), तीर्थक्षेत्र अंबाजोगाई (योगेश्वरी देवी), परळी (वैजनाथ मंदिर)आदीचा समावेश व्हावा यासाठी नागपूर - गोवा द्रृतगती महामार्ग हा नागपूर पासून बुटीबोरी - वर्धा - महागाव - अर्धापूर अंबाजोगाई - परळी - कुर्डूवाडी - अकलूज - म्हसवड - विटा कोल्हापूर ते पणजी याप्रमाणे केल्यास महामार्गाची लांबी कमी होऊन प्रवासाचा वेळही कमी होणर असल्याचे सांगितले.

...