Sugar Factory : ‘साखर कारखान्यांवर कायदेशीर कारवाई करा’

शासन निर्णयानुसार साखर कारखान्यांनी गळीत हंगाम सुरू करण्यापूर्वी ऊसदर जाहीर करणे बंधनकारक आहे.
Sugar Factory
Sugar FactoryAgrowon

कऱ्हाड, जि. सातारा ः शासन निर्णयानुसार साखर कारखान्यांनी (Sugar Factory) गळीत हंगाम सुरू करण्यापूर्वी ऊसदर (SugarCane) जाहीर करणे बंधनकारक आहे. सातार जिल्ह्यातील कारखान्यांनी गळीत हंगाम सुरू होऊन १५ दिवस झाले तरीही कऱ्हाड तालुक्यातील रयत अथणी वगळता इतर कारखान्यांनी ऊसदर जाहीर केलेला नाही.

ऊसदर जाहीर न करून शासनाच्या नियमाचे उल्लंघन करणाऱ्या साखर कारखान्यावर येत्या तीन दिवसांत योग्य ती कायदेशीर कारवाई करावी, अशी मागणी रयत क्रांती संघटनेचे पश्चिम महाराष्ट्र अध्यक्ष सचिन नलवडे यांनी साखर आयुक्तांकडे निवेदनाद्वारे केली आहे.

निवेदनातील माहिती अशी, की सातारा जिल्ह्यातील साखर कारखान्यांनी आपला गळीत हंगाम सुरू करून १५ दिवसांपेक्षा जास्त दिवस झाले आहेत. परंतु जिल्ह्यातील रयत अथणी शुगर हा कारखाना वगळता इतर कुणीही आपला दर जाहीर केलेला नाही. रयत क्रांती संघटना व ऊस दर संघर्ष समितीच्या वतीने ऊस दर जाहीर न करून शासनाच्या नियमाचे उल्लंघन करणाऱ्या साखर कारखान्यावर येत्या दोन ते तीन दिवसांत योग्य ती कायदेशीर कारवाई करावी.

Sugar Factory
Sugar Rate : देशाअंतर्गत बाजारात साखरदरात वाढ नाहीच

अन्यथा आम्ही आंदोलनाचा मार्ग स्वीकारणार आहोत. आपणाकडून जर कायदेशीर कारवाई झाली नाहीतर आम्‍ही न्यायालयामध्‍ये शेतकऱ्यांची संगनमताने फसवणूक झाली आहे, अशी याचिका दाखल करणार आहोत. तरी लवकरात लवकर जिल्ह्यातील साखर कारखान्यांना ऊसदर जाहीर करण्याचे आदेश द्यावेत.

चालू वर्षीच्या गळीत हंगामातील साखर उताऱ्यानुसार दर देण्याचा निर्णय महाविकास आघाडी सरकारच्या काळात घेतला आहे. हा निर्णय शेतकऱ्यांच्या तोट्याचा तर कारखांदारांच्या फायद्याचा आहे. कारण चालू वर्षी किती साखर उतारा मिळणार हे हंगाम संपल्याशिवाय कळणार नाही. त्यामुळे कोणता कारखान्याचा ऊस दर किती मिळणार हे समजणार नाही.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com